YEREMIA 25:6 - KITTA' MATANGKASA'

⁶ Napisangkaiko anjo na'bi-na'bia anynyomba siagang assambayang mae ri rewata-rewata maraenga. Napisangkaiko ke'nanga anynyomba ri barhala-barhala nupareka kalennu, nasaba' anjo kammaya napakalarroi Batara. Punna nuturuki anjo parentaNa Batara, tena Nahukkungko.

YEREMIA 25:6 Referans Kwoze

PAOLE 8:19

Teako takkaluppai ri Karaeng Allata'alanu siagang teako ta'gilingi mae ri rewata-rewata maraenga untu' anynyomba siagang ampakalompoi ke'nanga. Anne alloa kupakaingakko angkanaya punna tena tanugaukanna tonja kammaya, ma'nassa tena todong tanipanrakkinnu ri Batara.

YEREMIA 35:15

Tena ammariKu assuroi battu mae ri kau sikamma atangKu na'bi-na'bia, siagang napakainga' mako ke'nanga sollanna nupakabaji' panggaukannu na nupamari a'gau' ja'dalaka. Napakaingakko ke'nanga sollanna tena nunynyomba mae ri rewata-rewata maraenga siagang tena nupare' atai kalennu mae ri anjo rewata-rewataya, sollannu akkulle ammantang tuli anrinni ri pa'rasangang Kupassareanga mae ri kau siagang mae ri boe-boenu. Mingka taerokako amparhatikangi siagang taerokako mappilangngeri ri Nakke.

YEREMIA 7:6

Tea' mako manjallakkangngi pole mae ri bansa maraenga, ana'-ana' kukanga, siagang janda-jandaya. Teako ammunoi tau tena salana ri anne pa'rasanganga. Teako anynyombai ri rewata-rewata maraenga, nasaba' anjo kammaya langngerangi kapanrakang mae ri kau.

2 KARAENG-KARAENG 17:35

Le'ba'mi appare' parjanjiang Batara siagang umma' Israel kamma anne: “Teako anynyombai mae ri rewata-rewata maraenga; teako su'juki anynyomba ri ke'nanga yareka nulayani ke'nanga, yareka assare koro'bang mae ri ke'nanga.

PAOLE 6:14

Teako anynyombai ri rewata-rewata maraenga, ia nasombaya bansa-bansa niaka ammantang ri tammulilinu.

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.

1 KARAENG-KARAENG 14:22

Ja'dala'mi apa nagaukanga bansa Yehuda ri dallekanNa Batara. Anjo panggaukanna ke'nanga la'bi-la'bimi napakanassuna Batara nasikontu apa le'baka nagaukang boe-boena ke'nanga.

PAOLE 28:14

Mingka tea sikaliko kaluppai anjo parenta-parentaya, manna pole antekamma. Tea tongko anynyombai siagang teako pare' atai kalennu mae ri rewata-rewata maraenga.”

PAOLE 13:2

lanri nakellainnu anynyomba siagang ampare' atai kalennu mae ri rewata-rewata tenaya nale'ba' nuasseng, manna pole nakajariang tojeng anjo apa napa'janjianga,

KALAPPASSANG 20:23

Teako papparekangngi untu' kalennu patung-patung pera' yareka bulaeng untu' nupakalompo pantaranganna iNakke.

KALAPPASSANG 20:3

Teako anynyombai mae ri rewata-rewata maraeng. Inakke bawang musti nusomba.

YEREMIA 44:8

Apa saba'na nanugaukang apa-apa ampabattuai larroKu? Battuko mae siagang ammantangko ri Mesir, pa'rasangang tenaya nuassengi, nampa anynyombako barhala siagang assareko koro'bang mae ri anjo rewata-rewataya! Apaka erokko angngancuruki kalennu sollannu nihina ri sikontu bansaya ri lino siagang nipake arennu salaku pattunra?

HOSEA 1:7

Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”

YEREMIA 32:30

Appakkaramula ri riwaya'na ke'nanga, iamintu tu Israel siagang tu Yehuda tena napakasannangi pa'maikKu. Napanaiki larroKu lanri ri panggaukang-panggaukang ja'dala'na ke'nanga.

YEREMIA 44:7

Siagang kamma-kamma anne, iNakke, Batara Kaminang Koasaya, iamintu Allata'alana Israel, akkuta'nangA' angkana apa saba'na nanugaukang anjo apa-apa appabattua bala lompo mae ri kalennu. Apaka erokko ampanraki sikontu taua – bura'ne, baine, ana'-ana', siagang ana' lolo – sa'genna tena manna sitau battu ri bansanu ammantang?