Biblia Todo Logo
Bib sou entènèt

- Piblisite -




YEREMIA 25:5 - KITTA' MATANGKASA'

5 Nasuroko ke'nanga ampamari batenu attallasa' ri kaja'dallanga, siagang sikamma panggaukang dosanu, sollannu akkulle ngaseng ammantang tuli ri anne pa'rasangang le'baka Napassareang Batara mae ri kau siagang mae ri boe-boenu a'jari pisakanu.

Gade chapit la Kopi




YEREMIA 25:5
20 Referans Kwoze  

Punna nupinrai cara katallassannu siagang panggaukannu kammayatompa nupammari anggaukangi yangasenna anjo kammaya, laKusareko pangngellai ammantang tuli anrinni ri pa'rasangang le'baka Kupassareang a'jari butta pisaka mae ri boe-boenu.


Punna attojeng-tojengko ampajappai anjo parenta-parentaKu, sikamma karaenga siagang sikamma pamarenta ammarentaya sangkamma Daud lantamaki ri sikamma pakke'bu' lompona kota Yerusalem. Ke'nanga siagang tu Yehuda kammayatompa pandudu'na Yerusalem, la'dongko' kareta jarangi, sa'genna a'jari suara' sikali kota Yerusalem.


LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”


Nakana Batara Kaminang Tinggia, “He tu Israel, laKuadeli tunggala' taua situru' massing panggaukanna. Toba' mako battu ri dosa-dosanu. Teako lappassangi dosanu angngancuruki kalennu.


Tena ammariKu assuroi battu mae ri kau sikamma atangKu na'bi-na'bia, siagang napakainga' mako ke'nanga sollanna nupakabaji' panggaukannu na nupamari a'gau' ja'dalaka. Napakaingakko ke'nanga sollanna tena nunynyomba mae ri rewata-rewata maraenga siagang tena nupare' atai kalennu mae ri anjo rewata-rewataya, sollannu akkulle ammantang tuli anrinni ri pa'rasangang Kupassareanga mae ri kau siagang mae ri boe-boenu. Mingka taerokako amparhatikangi siagang taerokako mappilangngeri ri Nakke.


Nakana Batara ri nakke, “Kamma-kamma anne, pabattui mae ri sikamma tu Yehuda siagang pandudu'na Yerusalem angkanaya kamma-kamma anne apparekKa' rancana untu' ambaliangi ke'nanga, siagang Kupasadiangi ke'nanga hukkungang. Suroi ke'nanga ampamari cara tallasa'na ke'nanga dorakaya kammayatompa napakabajiki panggaukanna ke'nanga.


Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.


Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?


Bokoi kaja'dallanga, gaukangi bajika, na untu' satunggu-tungguna napammantangngi turungannu anjo buttaya.


Kicinikimi gassingka nia' kaja'dallang lalang ri kalengku, siagang kirenrenga' mae ri oloang mannannunganga.


Bissaimi kalennu sa'genna tangkasa'. Pammari ngasengi anjo sikamma kaja'dallang nugaukanga. Iyo, tea mako a'gau' ja'dalli pole,


Nakana Batara, “He umma' Israel, punna erokko ammotere', ammotere' mako mae ri Nakke. Pelaki rolong anjo barhala-barhala Kukabirissia, nampa majarre' mako mae ri Nakke.


Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”


Swiv nou:

Piblisite


Piblisite