YEREMIA 25:4 - KITTA' MATANGKASA'

⁴ Tulusu' Nasurona todong Batara sikamma na'bia atanNa mae ri kau ngaseng, mingka teako ampilangngeri siagang amparhatikangi ke'nanga.

YEREMIA 25:4 Referans Kwoze

YEREMIA 25:3

“Lalang ruampulo antallu taung, appakkaramula battu ri taung makasampulona antallu ammarenta Yosia ana' bura'nena Amon ri Yehuda, sa'genna anne alloa le'ba'mi a'bicara Batara mae ri nakke siagang tale'baka' takkaluppa ampabattui mae ri kau ngaseng apa le'baka Napau. Mingka tena nujampangi.

YEREMIA 26:5

Musti nupilangngeri tongi apa napaua ata-atangKu, sikamma na'bi tenaya ammarina tuli Kusuro battu mae ri kau. Mingka teako ampilangngeri ke'nanga.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

YEREMIA 36:31

Ikau, jari-jarinu, siagang sikamma pagawenu laKuhukkungko lanri dosa-dosa nugaukanga ngaseng. LappabattuA' mae ri kau ngaseng sikontu bala le'baka Kupau, lanri baji' naikau kammayatompa pandudu'na Yerusalem siagang Yehuda tena nanuparhatikangi anjo sikontu apa Kuancangngangko.”

YEREMIA 32:33

NabokoiMa' ke'nanga siagang manna pole tuli Kuajara' ke'nanga mingka tuli tenana naero' mappilangngeri siagang tena naero' angngu'rangi.

YEREMIA 29:19

Yangasenna anjo kammaya kajariangi mae ri ke'nanga, lanri tena naturuki pasangKu tenaya ammari-marina Kupabattu mae ri ke'nanga tete ri atangKu na'bi-na'bia. Taerokai ke'nanga amparhatikangi anjo pasangKu.

YEREMIA 22:21

Le'ba'Ma' a'bicara ri kau ri wattunna baji' kaadaannu, mingka taerokako mappilangngeri. Memang kammaminjo gau'-gau'nu battu riolo sa'genna kamma-kamma anne; tale'bakako ero' mannuruki ri Nakke.

YEREMIA 19:15

angkanaya Batara Kaminang Koasaya, Allata'alana Israel, akkana kammai anne, “Lanri kapala batunu siagang taerokako mappilangngeri, laKupabattui sikontu balaya mae ri anne kotaya siagang sikontu desa niaka ri tammulilina, iamintu bala le'baka Kurancana.”

YEREMIA 18:12

Mingka lappiali ke'nanga angkana, ‘Apa matu-matunna? Tuli lamannuruki ikambe ri ero' kalenna ikambe! Ikambe massing nagaukangi apa nakaerokia pa'mai'na ikambe ja'dalaka!’ ”

YEREMIA 17:23

Mingka boe-boenu taerokai mappilangngeri yareka amparhatikangi apa Kupaua mae ri ke'nanga. Kapala batui ke'nanga, siagang taerokai mannuruki yareka nipakainga'.

YEREMIA 16:12

Mingka ikau la'bi ja'dallangngangi pole apa nugaukanga. Kapala batuko siagang ero' kalennu bawang ja'dalaka nuturukiang. Taerokako mannuruki ri Nakke.

YEREMIA 25:7

Mingka KalenNa Batara angkana, angkanaya tena numappilangngeri mae ri Ia. Ba'lalo nupanaiki larroNa lanri anjo barhala-barhalanu. Ikau ngaseng kalennu ampabattui hukkunganNa mae ri kalennu.

2 PATTOTTORANG 33:10

Nipakaingaki Manasye siagang ra'ya'na ri Batara mingka taerokai ke'nanga mappilangngeri.

YEREMIA 6:17

Nampa a'mole-molemo Batara angngangka' pajaga untu' ampakaingaki ke'nanga sollanna napilangngeri pammateina sa'ra tarompeka. Mingka nakana ummaka, “Taerokai ikambe ampilangngeri.”

2 PATTOTTORANG 24:19

Assuromi Batara na'bi-na'bi untu' ampakaingaki ke'nanga sollanna ammotere' anynyomba mae ri Batara; mingka taerokai ra'yaka mappilangngeri.

ZAKHARIA 1:4

Teako sangkammai boe-boenu. Wattu jammang riolo napabattui sikamma na'bia pasangKu mae ri ke'nanga sollanna tanagaukangngamo gau' ja'dalaka siagang gau' dosaya ke'nanga. Mingka tanajampangiai ke'nanga siagang taerokai ke'nanga mannuruki ri Nakke.