YEREMIA 24:6 - KITTA' MATANGKASA'

⁶ LaKujagai ke'nanga siagang laKuerangi ke'nanga ammotere' mae anrinni ri pa'rasanganga. LaKupabangungi ke'nanga, tena naKuruntungi; laKulamungi, tena naKubi'buki ke'nanga.

YEREMIA 24:6 Referans Kwoze

YEREMIA 42:10

‘Punna erokko tuli ammantang anrinni ri pa'rasanganga, laKuangkakko, tena nalaKutu'gurangko; laKupaentengko nai', tena nalaKura'bako. Sanna' si'nana nyawaKu lanri Kupabattuna balaya mae ri kau.

YEREMIA 29:10

Nakana Batara, ‘Punna ganna'mo wattua tujupulo taung untu' Babel, laKuparhatikangko pole ammotere', siagang laKurupai janjingKu untu' angngerangko ammotere' mae ri anne tampaka.

YEREMIA 33:7

Yehuda siagang Israel laKupa'jari porei sangkamma riolo siagang lammentengi ammotere' salaku ummakKu.

YEREMIA 32:41

Lasannangi pa'maikKu a'gau' baji' mae ri ke'nanga, naKupammantang ke'nanga anrinni ri anne pa'rasanganga sa'genna satunggu-tungguna.

YEREMIA 12:15

Mingka punna le'ba' Kupasulu' ke'nanga, laKukamaseangi ammotere' ke'nanga; tunggala' bansaya laKuerangi ammotere' mange ri massing pa'rasangang kalenna.

YEREMIA 1:10

Anne alloa Kusareko koasa mange ri bansa-bansaya siagang sikamma kakaraenganga – iamintu koasa untu' appara'ba siagang anrumbang, untu' apagulung siagang ammanraki, kammayatompa untu' appabangung siagang a'lamung.”

YEREMIA 32:37

LaKupasse'rei anne bansaya battu ri sikontu pa'rasangang tampa'na ke'nanga Kupasisa'la'-sa'la' lanri larroKu siagang lussakKu mae ri ke'nanga. LaKuerangi ke'nanga ammotere' mae anrinni siagang Kukellai ammantang anrinni siagang amang.

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

1 PETRUS 3:12

Nasaba' tuli Naparhatikangi Batara tau anturukiai ero'Na, tuli Napilangngeri pappala' doanganna ke'nanga; mingka Nabaliangi sikamma tau anggaukangai kaja'dallanga.”

YEHEZKIEL 36:24

Battu ri tunggala' bansaya siagang pa'rasanganga, laKupa'rappungko nampa Kupoterangko mange ri butta kalennu.

YEREMIA 23:3

Mingka sesa-sesanna ummakKu laKupasse'rei battu ri sikamma pa'rasangang tampa'na ke'nanga Kupela'. LaKuerangi ke'nanga ammotere' mange ri butta passolongang cera'na, siagang jari-jarina ke'nanga lakatambangi jaina.

NEHEMIA 5:19

Kupalaki o, Allata'ala, Kiu'rangi anne sikamma apa le'baka kugaukang untu' anne bansaya, siagang poro Kibarakkakia'.

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

PAOLE 11:12

Naparakai Karaeng Allata'alanu anjo pa'rasanganga siagang najagai a'bujuru' taung.

YEREMIA 21:10

Le'ba'mi Kupattantu angkana laKuancuruki anne kotaya, siagang tena naKupassayangi. Anne kotaya laKupassareangi mae ri karaeng Babel; lanatunui sa'genna cappu' taba sikali. INakke, Batara, anne akkana.”

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

YEREMIA 16:15

Passangalinna lanri iNakke, Allata'ala mattallasaka, angngerangai umma' Israel assulu' battu ri se'reang pa'rasangang ri bageang wara' siagang battu ri sikontu pa'rasangang maraeng le'baka napammantangngi ke'nanga Kupasiara'. LaKuerangi ammotere' ke'nanga mange ri butta passolongang cera'na ke'nanga, pa'rasangang le'baka Kupassareang mae ri boe-boena ke'nanga.”

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

YEREMIA 31:28

Kamma riolo Kujagai ke'nanga sollanna sallang Kubi'buki, Kuruntungi siagang Kuancuruki ke'nanga, kamma tomminjo laKujagai ke'nanga sollanna Kubangung siagang Kupakajarre' ke'nanga ammotere'.

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

AMOS 9:14

LaKupa'jari kalumanynyangi ammotere' ummakKu Israel. Lanabangungi ammotere' kota-kotana ke'nanga le'baka runtung, nampa ammantang ke'nanga anjoreng. Lanalamungi koko-koko anggoro'na ke'nanga, siagang nainung je'ne'na. La'lamung-lamungi ke'nanga, nampa nakanre wassele'na.

PA'JARIANG 44:21

Kisuroi ikambe angngerangi mae ri katte, sollanna akkulle kicini'.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YEREMIA 39:12

“A'lampako amboyai Yeremia, siagang jagai baji'-baji'. Teako apa-apai; gaukangi apa nakaerokia.”