YEREMIA 24:5 - KITTA' MATANGKASA'

⁵ “Sikamma anjo tau Kulappassanga niengka' mange ri Babel Kupasanrapangi anjo rappo ara baji'-bajika; lanri kammana anjo, iNakke, Batara, Allata'alana Israel, laKugaukangi bajika mae ri ke'nanga.

YEREMIA 24:5 Referans Kwoze

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

NAHUM 1:7

Anjo Batara bajiki, Najagai umma'Na ri wattu susa, Najagai tau a'la'langa mae ri Ia.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

GALATIA 4:9

Mingka kamma-kamma anne nuassemmi Allata'ala; yareka bajikangangi punna nikana, Naasseng mako Allata'ala. Angngapa nanuero' ammotere' poleang mae ri roh-roh niaka lalang lino, lammaya siagang kasi-asia? Angngapa nuero' poleang nipare' ata ri roh-roh kammaya anjo?

1 KORINTUS 8:3

Mingka inai-nai attojeng-tojeng mangngamaseang mae ri Allata'ala, iami niasseng baji' ri Allata'ala.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

YOHANES 10:27

GimbalakKu napilangngeri sa'rangKu. Kuassengi ke'nanga, namminawangi ke'nanga ri Nakke.

MATIUS 25:12

Mingka appialimi anjo bunting bura'nea nakana, ‘Tena ngaseng nakuassengko!’ ”

PAMMUJI 119:71

Memang bajiki lanri Kihukkunga' sollanna kuasseng sikamma katantuanTa.

PAMMUJI 119:67

Ri tenanapa nihukkunga', ammengka sala', anne kamma anna'gala' jarre'ma' ri parentaTa.

PAOLE 8:16

Ri parang lompoa Nasareko manna untu' a'jari kanrenu, iamintu kanre tenaya naassengi boe-boenu. Nagaukangai Batara kammaya anjo lanri ero'nu naso'ri siagang nakellaina tuna pa'mai'nu, sollanna akkulle a'gau' baji' mae ri kau ri kale'bakkanna.

YEREMIA 24:4

Jari Nakanamo pole Batara,

YEREMIA 29:4

“Kammaminne kananNa Batara Kaminang Koasaya, Allata'alana Israel, mae ri sikontu tau Napelaka battu ri Yerusalem mange ri Babel:

YEREMIA 29:20

Na ikau ngaseng Kupelaka mange ri Babel, pilangngeri anne kanangKu, Batara.’

YEHEZKIEL 11:17

INakke, Batara Kaminang Tinggia, ampaui angkana laKupa'rappungi ke'nanga battu ri sikamma pa'rasangang napammantangia ke'nanga tassiara', nampa Kupoterang butta Israel mae ri ke'nanga.

KAIMANGNGANG 26:44

Mingka manna ri nia'na ija ke'nanga ri pa'rasanganna musua, tena nalaKubokoi yareka tena nalaKuancuru' tabasikali ke'nanga. Nasaba' punna Kuancuruki ke'nanga, battuanna Kutappu'mi parjanjiangKu siagang ke'nanga, sa'dangkang iNakke anne Batara, Allata'alana ke'nanga.

YEREMIA 29:11

Sai iNakke KalengKu angngassengi rancana-rancanaKu mae ri kau ngaseng? Anjo rancana-rancanaya tena nalanaerangko mae ri kapanrakanga, mingka untu' kasalewangannu siagang untu' ansareko panrannuang baji' untu' allo nudallekanga.

YEHEZKIEL 11:20

Jari lamannurukimi ke'nanga ri paratorang-paratorangKu siagang majarreki ke'nanga anggaukangi sikontu parentaKu. Ke'nanga la'jari ummakKu siagang iNakke la'jari Allata'alana ke'nanga.