YEREMIA 24:1 - KITTA' MATANGKASA'

¹ Ri se'reang wattu, ri le'ba'namo Yoyakhin ana' bura'nena Yoyakim karaeng Yehuda siagang sikamma tau anna'galaka pamarentahang ri Yehuda, sikamma pajamaya, sikamma panrea, niengka' ri Nebukadnezar karaeng Babel, nampa nierang salaku tunitahang battu ri Yerusalem mange ri Babel, Nasarema' paccini' Batara. Nia' kucini' rua baku' rassi siagang rappo ara ta'dongko' ri dallekang Balla'Na Batara.

YEREMIA 24:1 Referans Kwoze

YEREMIA 29:2

Anjo suraka kutulisiki ri le'ba'na niengka' Karaeng Yoyakhin, amma'na, pagawe-pagawe balla' karaenga, pagawe-pagawe pamarentahang Yehuda siagang Yerusalem, sikamma pajama-pajamaya, kammayatompa sikamma panrea, mange ri butta pammelakkanga.

2 PATTOTTORANG 36:10

Ri wattunna kasambeang taunga niengkaki Yoyakhin ri Karaeng Nebukadnezar mange ri Babel salaku tunitahang, nampa nierang barang-barang lompoa anggaranna niaka ri Balla'Na Batara. Nampa naangka' Nebukadnezar Zedekia, purinanna Yoyakhin, a'jari karaeng ri Yehuda siagang Yerusalem.

ZAKHARIA 3:1

Lalang ri paccini' maraengannaya pole, Napappicinikangi Batara mae ri nakke Imang Malompoa Yosua, sitabanga ammenteng ri dallekanna malaeka'Na Batara. Ri sa'rinna Yosua, niaki Setanga sadia untu' antudui kalenna Yosua.

ZAKHARIA 1:20

Nampa Napappicinikang Batara mae ri nakke appa' tukang bassi angngeranga palu-palu.

AMOS 7:7

Anggappa' pole se're paccini' maraeng battu ri Batara. Kuciniki ammenteng ri sa'rinna se'reang tembo' nibangunga siagang ammake otere' pa'ladung lambusu' battu irate naung. Nata'galaki ri limanNa anjo otere' ladunga untu' anciniki apaka anjo temboka ammenteng lambusuki yareka tena.

AMOS 7:4

Anggappa' se're paccini' pole battu ri Batara Kaminang Tinggia. Kuciniki sadia-sadia untu' anghukkungi umma'Na siagang pepe'. Anjo pepeka nalepaki tamparanga sa'genna la'busu' irawa ri buttaya siagang appakkaramulami napammutung kokoa.

AMOS 7:1

Anggappa' se're paccini' battu ri Batara Kaminang Tinggia. Kuciniki appare' sanna' jaina katimbang ri wattu le'ba'na taua ampangngalleangi ruku' karaenga, siagang appakkaramula attimbo poleang ruku' berua.

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

YEHEZKIEL 19:9

Nipantamaki ri kurungang singa nampa nierang mange ri Babel andallekang ri karaeng. Nijarreki jagana sollanna tenamo nakalangngerang sa'ranna irate ri bulu'-bulu' tinggina Israel.

2 KARAENG-KARAENG 24:10

Lalang wattu ammarentana Yoyakhin, niaki battu maju pasukanna Babel nipimpinga ri perwira-perwira tantarana Nebukadnezar untu' ambunduki Yerusalem, nampa nakurung anjo kotaya.

YESAYA 13:1

Iaminne pappasanNa Allata'ala, natarimaya Yesaya ana'na Amos ri passala'na Babel:

YEREMIA 28:4

LaKuerang tongi ammotere' Yoyakhin ana' bura'nena Yoyakim karaeng Yehuda, siagang sikontu ra'ya' Yehuda ia le'baka niengka' mange ri Babel. Tojeng, laKupa'jari pesoki kagassinganna Babel. INakke, Batara, anne akkana.”

YEREMIA 29:1

Annulisikka' sura' mae ri imang-imanga, na'bi-na'bia, pamimping-pamimping bansa attallasaka ija, kammayatompa mae ri sikontu tau maraengannaya, ia le'baka niengka' battu ri Yerusalem mange ri Babel ri Nebukadnezar.

YEREMIA 37:1

Ri wattunna Nebukadnezar karaeng Babel napecaki Yoyakhin ana'na Yoyakim, naangkaki Zedekia ana'na Yosia a'jari karaeng Yehuda.

YEREMIA 13:19

Kota-kotana Yehuda ri bageang timboroka nikurungi ri musu, siagang tenamo akkulle antarrusuki anjo pakkurunga. Sikontu tu Yehuda niengka' ngasengi mange ri butta pammelakkanga.”

YEHEZKIEL 17:4

nampa naerang na napadongko' ri se'reang kota pa'danggangang suaraka.