YEREMIA 23:39 - KITTA' MATANGKASA'

³⁹ laKurappungi ke'nanga nampa kupasambila bella-bella, baji' nakalenna ke'nanga kammayatompa kota le'baka Kupassareang mae ri ke'nanga siagang mae ri boe-boena ke'nanga.

YEREMIA 23:39 Referans Kwoze

YEREMIA 23:33

Nakana Batara, “Yeremia, punna kalase'renna tau battu ri ummakKu, yareka kalase'renna na'bi yareka imang akkuta'nang ri kau angkana, ‘Apa pasanNa Batara?’ Musti appialiko angkana, ‘Ikaumi pisangnganNa Batara; lanri kammanami anjo nalaNapelakko.’

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

2 TESALONIKA 1:9

Anjo tau kammaya langgappai hukkungang kapanrakang sa'genna satunggu-tungguna; nipelaki assulukang battu ri pammantanganNa Batara, battu ri kalompoanNa siagang kakoasanNa,

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

YEHEZKIEL 34:20

Lanri kammana anjo, iNakke, Batara Kaminang Tinggia Kukana ri kau, he sikamma gimbala' co'moka, angkanaya labattuA' a'jari haking ri tangnga-tangngana gimbala' gassinga siagang gimbala' dodonga.

YEHEZKIEL 34:11

Nakana Batara Kaminang Tinggia, “KalengKu lamboyai sikamma gimbalakKu siagang amparakai ke'nanga,

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.

YEHEZKIEL 6:3

Suroi ke'nanga ampilangngeri siagang amparhatikangi apa Kupaua, iNakke, Batara Kaminang Tinggia, mae ri anjo moncong-monconga, kammayatompa mae ri sikamma bontoa, sikamma tubirika siagang sikamma lappara'na ka'bunga. Tojeng, lappabattuA' pa'dang untu' angngancuruki tampa'-tampa' panynyombanga ri barhalaya.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

PIRAUNG 5:20

Angngapa Kisallo kamma ambokoi ikambe? Maka tuli latakkaluppa maKi' mae ri kambe?

YEREMIA 52:3

Teai sipato' larroNa Batara mae ri pandudu'na Yerusalem siagang tu Yehuda, sa'genna Nabongka ke'nanga siagang tenamo Nala'langngi pole ke'nanga. Angngewai Zedekia mae ri Nebukadnezar karaeng Babel;

YEREMIA 36:31

Ikau, jari-jarinu, siagang sikamma pagawenu laKuhukkungko lanri dosa-dosa nugaukanga ngaseng. LappabattuA' mae ri kau ngaseng sikontu bala le'baka Kupau, lanri baji' naikau kammayatompa pandudu'na Yerusalem siagang Yehuda tena nanuparhatikangi anjo sikontu apa Kuancangngangko.”

YEREMIA 35:17

Lanri kammana anjo, naiNakke, Batara Kaminang Koasaya, iamintu Allata'alana Israel, lappabattuA' mae ri kau – tu Yehuda siagang Yerusalem – sikontu bala le'baka Kupattantu untu' ikau ngaseng, sangkamma le'baka Kupau. Anjo kammaya Kugaukangi lanri tenana nuero' mappilangngeri punna a'bicarA' mae ri kau, siagang lanri tenana nuero' appiali ri wattunnu Kukio'.”

YEREMIA 7:15

LaKubongkako battu ri dallekangKu sangkamma le'ba'na Kubongka bija-bijannu, umma' Israel.”

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 48:15

INakkemi ampaui siagang angkioki, anrurungangi, sa'genna a'jari apa nagaukanga.

PANGNGEBARANG 13:13

Tau ambawang-bawangngangai ajaranNa Batara, lanacilakai kalenna; tau mannurukia ri hukkunNa Allata'ala, lanagappai pahalana.

PAMMUJI 51:11

Kialleimi rupanTa battu ri dosa-dosaku, siagang lu'lu'mi sikontu kasalangku.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

PA'JARIANG 6:17

LaKupabattui a'ba lompoa untu' angngancuruki sikamma apa attallasaka ri lino. Lamate ngasengi sikontu apa niaka ri lino,

PA'JARIANG 4:16

Nampa a'lampamo Kain battu ri dallekang mala'biri'Na Batara, namange ammantang ri butta niarenga “Pa'lampang” irayanganna koko Eden.

YEREMIA 7:14

Jari, anne BallakKu nupattoanga, siagang anne tampa' Kupassareanga mae ri boe-boenu siagang mae ri kau, laKupakamma tongi kota Silo riolo.

YEREMIA 12:7

Nakana Batara, “Tampa' pammantangangKu tenamo naKujampangi; pa'rasangang Kupatanga Kubokoimi, siagang ummakKu Kukamaseanga Kupassareammi ri limanna musu-musunna.

YEREMIA 23:38

Punna nia' taeroka mannuruki ri anjo parentaKu, nampa napake ija kana-kana ‘pisangnganNa Batara’,

2 KARAENG-KARAENG 23:27

Nakana Batara, “Apa le'baka Kugaukang mae ri tu Israel, laKugaukang tongi mae ri tu Yehuda. LaKupelaki tu Yehuda battu ri pa'rasangang le'baka Kupassareang mae ri ke'nanga. LaKutollaki Yerusalem, iamintu kotaKu le'baka Kupilei, kammayatompa anne BallakKu, le'baka Kupau angkanaya la'jari tampa' panynyombangi mae ri KalengKu.”