YEREMIA 23:32 - KITTA' MATANGKASA'

³² INakke, Batara, langngewai na'bi-na'bi ampabattuai so'na-so'nana a'balle-ballea kabusu'. Napa'lingui ummakKu lanri balle-ballena siagang carita kosonna ke'nanga. Tena naKusuroi anjo na'bi-na'bi kammaya. Tena sikali matu-matunna ke'nanga mae ri ummakKu. INakke, Batara, anne akkana.”

YEREMIA 23:32 Referans Kwoze

ZEFANYA 3:4

Na'bi-na'bina tena tanggong jawa'na siagang takkulleai nipatappa'; sikamma imanga narantassi apa le'baka nisa'la' untu' Batara siagang naputara' baleki hukkung-hukkunNa Allata'ala untu' kaparalluang kalenna ke'nanga.

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

YEREMIA 7:8

Mingka, sikontutojenna tena matu-matunnu tappa' ri kana-kana balle-ballea.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

YEREMIA 29:31

akkiring kabara' ri passala'na Semaya mae ri sikontu Israel nipelaka ri Babel. Iaminne anjo kabaraka, “Anjo Semaya a'bicarai mae ri kau sanrapang angkanaya na'bi kalenna; padahala' iNakke, Batara, tena naKusuroi. Lanri napa'jari tappa' mako mae ri kana balle-ballea,

YEREMIA 23:25

Sikontu anjo apa napaua na'bi-na'bia Kuassemmi. ArengKu napake ke'nanga a'balle-balle angkanaya natarimai pasangKu ke'nanga lalang so'na.

YEREMIA 23:16

Mae ri pandudu'na Yerusalem, Nakana Batara Kaminang Koasaya, “Teako pilangngeri kana-kananna sikamma na'bia, tuli ampabattuangko panrannuang kosong bawang. Pikkirang napare' kalenna bawang ke'nanga anjo napabattua, teai pasangKu.

YESAYA 3:12

UmmakKu lanijallakkangi ri tau nangaia a'gau' riba, siagang lanipaccoki ri tau nangaia ammacco' paranna tau. Lanipasala oloangi ummakKu ri sikamma pamimpinna sa'genna tanaassengamo ke'nanga oloang siratanga naolo.”

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’

2 KORINTUS 1:17

Mingka kupinrami anjo wattu pa'lampangku. Jari punna kamma, maka tena nattantu nawa-nawangku? Maka ero' kalengku pirangalloang ri wattunna kunawa-nawa eroka a'lampa, na uru-uruna kukana, “Iyo,” mingka sinampekang kukanaseng “Tena”?

AYUB 13:4

Saba' nutongko' ngasengi katoloannu siagang balle-balle, tena sisalana sanro paballe-ballea.

YESAYA 9:15

Sikamma pamimpinna anjo bansaya napasala oloammi siagang napa'jari lingumi ra'yaka.

YEREMIA 23:13

Kucini'mi dosana sikamma na'bi-na'bina Samaria. A'bicarai ke'nanga lalang arenna Rewata Baal, siagang napasala oloangi Israel, ummakKu.

YEREMIA 23:31

LaKuewa tongi na'bi-na'bi appabattua kana-kana kalenna tonji, nampa nakana anjo kanaya kana battu ri Nakke.

PIRAUNG 3:37

Punna tena Nakaerokangi Batara apa-apaya mattantu tenana nakkulle rupataua anggaukangi apa-apaya.

ZAKHARIA 10:2

Appalaki pangngunju' sikamma taua mae ri barhala-barhalaya siagang ri sikamma pacinika, mingka sikamma anjo pangngunju' nagappaya ke'nanga sangnging balle-balle siagang bicara kosonji bawang. Nia' ambattuangngi so'naya, mingka anjo battuang napakasingaraka ke'nanga poro lanapakalingu ngaseng jako; siagang anjo panynyaleori napassareanga tena battuanna. Lanri kammana anjo natassimbung-simbung ra'yaka sanrapang gimbalaka. Tenamo nasilolongang ke'nanga lanri tena pamimpinna.