YEREMIA 23:30 - KITTA' MATANGKASA'

³⁰ LaKuewai na'bi-na'bi appabattua pasang battu ri aganna tonji, nampa nakana anjo pasanga pasang battu ri Nakke.

YEREMIA 23:30 Referans Kwoze

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’

YEHEZKIEL 13:20

Nakana Batara Kaminang Tinggia mae ri anjo bai'-baine eroka nikana na'bi, “BallisikKa' anciniki anjo ponto-ponto jima' niaka nupake untu' angkoasai tallasa'na siagang matena ummakKu. LaKupasintaki anjo ponto-pontoa battu ri pappontoannu, nampa sikamma tau nukoasaia laKulappassangi.

PAMMUJI 34:16

Naparhatikangi Batara tu bajika, Napilangngeri ke'nanga punna akkio' appala' tulung

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

1 PETRUS 3:12

Nasaba' tuli Naparhatikangi Batara tau anturukiai ero'Na, tuli Napilangngeri pappala' doanganna ke'nanga; mingka Nabaliangi sikamma tau anggaukangai kaja'dallanga.”

YEREMIA 44:29

LappabattuA' cilaka mae ri kau ri tampaka anne untu' ampa'butti mae ri kau angkanaya anjo hukkungang Kurancanakanga untu' ikau, kajariang tojeng-tojengi.

YEREMIA 44:11

Lanri kammana anjo, iNakke, Batara Kaminang Koasaya, Allata'alana Israel ambaliangko siagang angngancuruki sikontu Yehuda.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

KAIMANGNGANG 20:3

Inai-nai angkoro'bangkangi ana'na mae ri Rewata Molokh, nara'massi KemaKu siagang nahinai areng matangkasakKu. LaKuhukkungi siagang tenamo nalaKubilangi anggota ummakKu.

YEREMIA 21:13

Nampa Nakana Batara mae ri Yerusalem, “He Yerusalem! La'bi tinggiangngangi pa'dongkokannu nasikamma ka'bung lappara' niaka ri tammulilinu. Sangkammako bulu' batu ammenteng tinggia' nai' ri parang lapparaka, mingka iNakke langngewako. Nukana kalennu angkana tena manna sitau akkulle ambundukiko yareka anrumbangi tembo'-tembo' pattahangannu,

YEREMIA 23:31

LaKuewa tongi na'bi-na'bi appabattua kana-kana kalenna tonji, nampa nakana anjo kanaya kana battu ri Nakke.