YEREMIA 23:26 - KITTA' MATANGKASA'

²⁶ Sa'ge kemae anjo na'bi-na'bia ero' ampa'lingui ummakKu siagang kabara' napare'-pareka kalenna ke'nanga?

YEREMIA 23:26 Referans Kwoze

YEREMIA 14:14

Mingka appialimi Batara angkana, “Anjo na'bi-na'bia kabara' balle-balle naerang na nabalukang arengKu; tena naKusuroi ke'nanga, siagang tena todong Kuparentakangi ke'nanga yareka a'bicara mae ri ke'nanga. Anjo sikamma paccini' nacaritaya ke'nanga teai battu ri Nakke; nabotoi ke'nanga apa-apa tenaya matu-matunna siagang napare'-pare' kalennai ke'nanga.

2 TIMOTIUS 4:3

Nasaba' nia' sallang nanarapi' wattunna nataerokamo taua antarimai pangngajarang tojenga. Mingka ero' kalenna mami lanaturuki ke'nanga; siagang lappa'rappummi ke'nanga jai guru sollanna niajara' ke'nanga apa-apa bajika nalangngere' ri tolinna ke'nanga.

LAMPA-LAMPANA 13:10

nampa nakana, “He, ikau paballe-balle lompoa, ana' tu sannaka ja'dala'na! Ikaumi musunna sikontu apa-apa bajika. Angngapa nutaeroka ampamari anrompa-rompai ero'Na Allata'ala untu' ampasalamaki rupataua?

HOSEA 8:5

BirisikKa' ri sapi bulaeng nisombaya ri pandudu'na kota Samaria. Larro duduA' mae ri ke'nanga. Kemaepi sa'genna ke'nanga latulusu' nara'massi kalenna anynyomba ri barhalaya?

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

YEREMIA 13:27

Le'ba'mi Kucini' nugaukang sikamma apa-apa tenaya naKungai. Kucini'mi nuondang rewata-rewata maraenga ri buluka siagang ri kokoa, rapang sitau bura'ne a'lingu-lingu ero' mae ri bainenna taua, yareka jarang laki balere' dudua mae ri jarang ganaya. He pandudu'na Yerusalem, cilaka mako! Angngapapi nulata'lappasa' battu ri sikontu kaja'dallanga?”

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

YESAYA 30:10

Nakana ke'nanga mae ri sikamma na'bia, “Tongkoki bawanu! Teako paui apa annabaya mae ri kambe, mingka ia apa eroka nalangngere' ikambe. Lappassammi ikambe tuli appikkiri' takamma-kamma.

PAMMUJI 4:2

O, Allata'ala, iKatte pambelaku; punna kumakkio' Kipialia'. Ri wattungku susa, Kitulunga'; anne kamma kamaseanga' naKipilangngeri pappala' doangku.

2 PETRUS 1:21

Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.