YEREMIA 23:12 - KITTA' MATANGKASA'

¹² Lanri kammana anjo, oloanna ke'nanga la'jari laccuki siagang sassangi, sa'genna tatto'ro ke'nanga na tu'guru'. LappabattuA' kacilakang mae ri ke'nanga, punna narapi' wattunna untu' Kuhukkung ke'nanga. INakke, Batara, anne akkana.

YEREMIA 23:12 Referans Kwoze

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 11:23

Le'ba'mi Kupattantu wattunna untu' ampaturungi balaya mae ri tu Anatot, siagang punna battumo wattu hukkunganna ke'nanga, manna sitau tania' lata'lappasa'.”

PAMMUJI 35:6

Boli'mi kamma niondang ke'nanga ri malaeka'Na Batara, ri oloang sassanga siagang laccuka.

YOHANES 12:35

Appialimi Isa Nakana, “Poro untu' sinampe'ji lania' anjo singaraka ri tangnga-tangnganu ngaseng. Jari a'jappa mako ilalang nia'na ija anjo singaraka, sollanna tena nanatujuko sassang. Inai-nai a'jappa lalang ri sassanga, tanaassengai angkana kemae lanaolo.

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

PAMMUJI 73:18

Kiboliki ke'nanga ri agang laccuka, na Kibalang parekang ke'nanga tu'guru' a'jari posso'.

KALAPPASSANG 32:34

Kamma-kamma anne a'lampamako, nampa nuerang anjo ke'nanga mange ri tampa' le'baka Kupau mae ri kau. MalaekakKu lanrurungangko, mingka nia' se're wattu sallang na narapi' wattunna laKuhukkung ke'nanga lanri dosa-dosana ke'nanga.”

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

1 YOHANES 2:11

Mingka inai-nai angkabirisi sari'battanna, ma'nassa lalammi ri sassanga. Lalammi ri sassanga a'jappa, siagang tanaassengami angkana la'lampa kereimae, nasaba' takkulleai accini' napakamma anjo sassanga.

MIKHA 7:4

Manna kaminang bajika siagang kaminang lambusuka battu ri ke'nanga kontumi romang akkatinting tenaya matu-matunna. Narapi'mi wattunna Allata'ala anghukkungi umma'Na sangkamma le'baka Napappakaingakkang mae ri ke'nanga tete ri na'bi-na'bia. Kamma-kamma anne ammumbami karicuanga ri alla'na ke'nanga.

YEREMIA 50:27

Bunoi sikontu tantarana! Bunoi ke'nanga! Cilakami bansa Babel! Narapi'mi wattunna nihukkung ke'nanga!” (

YEREMIA 48:44

Tau laria battu ri tau lammunoa, latu'guruki antama' ri kali'bonga, siagang tau akkullea assulu' battu ri kali'bonga laniallei ri sikko'. Yangasenna anjo kammaya lakajariangi ri wattu le'baka Kupattantu untu' angngancuruki Moab.

AYUB 18:18

Battu ri singaraka nibongkai antama' ri sassang; nibongkai battu ri lino katallassang.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

PAMMUJI 82:5

Ikau ngaseng tena apa-apa nuasseng, dongokko, siagang linguko, passabakkang ikau napanra' atorang katallassanna tau jaia.

PIRAUNG 2:20

O Batara, ciniki na Kiparhatikang anjo ke'nanga tau Kisessaya! Maka nia' kammaya anjo le'ba' Kigaukang? Anrong angkanrei ana' kalenna nangaia, imanga siagang na'bia nibunoi lalang ri BallatTa matangkasaka.

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.