YEREMIA 22:6 - KITTA' MATANGKASA'

⁶ Untu' iNakke, anjo balla' karaenna karaeng Yehuda ga'ga sikali, sangkammai ga'gana butta Gilead siagang moncong-moncong Libanon; mingka anjo tampaka laKupa'jari sangkamma parang lompo tenaya nanipammantangngi ri tau.

YEREMIA 22:6 Referans Kwoze

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

YESAYA 27:10

Anjo kota niaka pattahanganna a'jari sinomi siagang nibokoimi rapang parang luara' tenaya bonena. Olo'-olo' piaraya anjorengi a'ruku' siagang ammari-mari; napila'busi sikamma leko'-leko' kayua battu ri tangke-tangkenna.

YEREMIA 26:18

“Ri wattunna Hizkia a'jari karaeng Yehuda, Na'bi Mikha battu ri Moresyet napabattui mae ri ra'yaka anne kana battua ri Batara Kaminang Koasaya, angkana, ‘Sion lanipa'jekoi rapang koko, Yerusalem la'jari pannambungang rumbangngang, siagang Bulu' Balla'Na Batara la'jari romangi.’

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

YEREMIA 7:34

Anne pa'rasanganga la'jari parang kalotoro' naroso'. LaKupammari sa'ra rannua siagang sa'ra passua'-suarrang pa'buntinganga ri kota-kota Yehuda siagang ri agang-agang niaka ri Yerusalem.

PA'JARIANG 37:25

Ri wattunna angnganre ke'nanga, ti'ring nia'mo nacini' ke'nanga siapa are jaina tu Ismael lalang pa'jappang battu ri Gilead mange ri Mesir. Sikamma untana ke'nanga angngerangi rampa-rampa siagang kismis.

YEREMIA 22:24

Nakana Batara ri Karaeng Yoyakhin, ana' bura'nena Yoyakim karaeng Yehuda, “Lanri iNakke, Allata'ala mattallasaka, Kupattantu tojeng-tojengi angkanaya manna pole ikau rapangko cincingKu ammakea meterei ri lima kanangKu, mingka laKupasulukko

YEREMIA 21:14

mingka iNakke langhukkungko lanri panggaukannu. Balla' karaennu laKutunui, kammayatompa yangaseng-ngasenna apa niaka ri tammulilina lanitunu tongi. INakke, Batara, anne akkana.”

YEREMIA 21:11

Nasuroa' Batara ampabattui anne pasanga mae ri kaluargana karaeng Yehuda, jari-jarina Daud, angkana, “Pilangngeri anne iNakke, Batara, angkana. Usahai sollanna nipajappa kaadelanga allo-allona. Lappassangi tau nipaccoka battu ri kakoasanna tau papaccoka. Punna tena, anjo kaja'dallang nugaukanga lanapa'rinrai larroKu rapang pepe' a'rinra lompoa natakkullea nibuno pepe'na.”

YEREMIA 4:20

Ma'mole-molei battu balaya angngancuruki sikontu pa'rasanganga. Ti'ring nipanraki kemaku, nikae-kaei kaenna.

KELONG MALA'BIRI' 5:15

Bangkenna rapangi benteng-benteng tembo' accilla' kebo', nilangga ri bulaeng ti'no'. Pakkaleanna sanrapangi bulu'-bulu' Libanon, gammara' kamma poko' kayu arasa'.

PAOLE 3:25

Kisarema' pangngellai untu' allimbangi Binanga Yordan, Batara, untu' anciniki pa'rasangang copponga buttana, moncong ga'gaya siagang Monconna Libanon.

PAMMILANGNGANG 32:1

Suku-suku Ruben siagang Gad teai sipato' jaina olo'-olo' piarana. Ri wattunna nacini' ke'nanga antekamma baji'na butta Gilead siagang Yaezer untu' nipammarakai olo'-olo',

KELONG MALA'BIRI' 4:1

Ikau sanna' ga'ganu, sayangku, tojeng, ikau sanna' ga'ganu. Matannu ri bokona bongonnu rapang mata bodobangkeng; uu'nu rapang nicini' pa'gompoang bembe niaka naung battu ri Bulu' Gilead.

YEREMIA 50:12

Mingka ikau la'jari bansa kaminang tena battuannu ri alla'na sikontu bansaya. Anjo kotanu lompoa lanihinai siagang lanipakasiriki. Pa'rasangannu la'jari parang lompoi na kalotoro' siagang roso'.

ZAKHARIA 11:1

He Libanon, sungke ngasengi sikontu pakke'bu'nu, sollanna nakanre pepe' poko'-poko' arasa'nu!

YESAYA 37:24

Akkiringko tau untu' akkana borro, angkanaya lanri jaina kareta bundu'nu, nupatundu'mi sikamma moncong kaminang tinggia ri Libanon. Nupattampo-tampoangi kalennu angkanaya le'ba'mi nuta'bang sikamma poko'-poko' camarana kaminang tinggia siagang kaminang ga'gaya, kammayatompa nutarrusu'mi sikamma romang kaminang ka'ba'na.

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YEREMIA 8:22

Apa kutadeng lanrinna nasa'genna kamma-kamma anne tena memampa nammolle bansaku? Maka tenamo dottoro' yareka pa'balle ri sikontu Gilead?