YEREMIA 22:30 - KITTA' MATANGKASA'

³⁰ “Anjo taua le'ba'mi nipattantu angkanaya latappelaki ana'-ana'na siagang tuli lasalasai lalang katallassanna. Battu ri jari-jarina tena tasalasa lalang ammarentana ri Yehuda, tena nasangkamma Karaeng Daud. INakke, Batara, anne akkana.”

YEREMIA 22:30 Referans Kwoze

YEREMIA 36:30

Lanri kammana anjo, iNakke, Batara, akkana ri kau, he Karaeng Yoyakim, angkanaya tena manna sitau battu ri jari-jarinu lammarenta salaku karaeng jari-jarina Daud. Maya'nu lanipasambilai assulu', nitaba ri bambang allo ri wattu singara'na alloa, siagang nituju ri saliu' dinging ri wattunna bangngi.

PAMMUJI 94:20

Tena Kiagangngangi sikamma haking ja'dalaka, naKipake hukkunga appare' rancana ja'dala'.

YEREMIA 10:21

Appialima' angkana, “Dongoki anjo pamimping-pamimpinta. Tena nappala' pitunju' ke'nanga mae ri Batara, iaminjo saba'na nasalasa ke'nanga, siagang kinipasiara'mo ri kere-keremae.

YEREMIA 2:37

Lanubokoi Mesir siagang la'ba pa'mai' siagang siri'-siri'. INakke, Batara, antollaki ke'nanga tau nupattoanga; tena apa-apa passawallang lanugappa battu ri ke'nanga.”

YEREMIA 29:32

siagang lanri nasuro mako ambaliangA', jari laKuhukkungi siagang jari-jarina. Tena manna sitau battu ri ke'nanga lammantang ri tangnga-tangngana ikambe untu' anciniki apa-apa baji' Kugaukanga mae ri sikontu ummakKu. INakke, Batara, anne akkana.”

YEREMIA 52:10

Anjoreng tommi ri kotaya anjo nibuno ana'-ana'na ri dallekanna, siagang sikontu pagawe pamarentana Yehuda nibuno ngaseng todong.

AYUB 18:19

Tenamo ana'na na turunganna; ri bori' parang lakkenna tenamo tassesa manna sitau.