YEREMIA 22:26 - KITTA' MATANGKASA'

²⁶ Ikau siagang amma'nu laKubongkako siagang laKupelakko mange ri pa'rasangang teai butta passolongang cera'nu, siagang anjorengko lamate.

YEREMIA 22:26 Referans Kwoze

YESAYA 22:17

Jagako, laKupelakko sa'gennu bella. LaKuta'gala' jarrekko siagang laKugulung-gulungko nampa Kupagulungko rapang golo' mange ri pa'rasangang lompoa. Anjorengko lamate ri sa'rinna karetanu nukalompoang pa'maika. Nura'massimi arenna kaluargana karaennu.

2 KARAENG-KARAENG 24:8

Wattunna a'jari Karaeng Yoyakhin ri Yehuda, 18 taung umuru'na, siagang ammarentai 3 bulang sallona ri Yerusalem. Amma'na niarengi Nehusta ana'na Elnatan, battu ri Yerusalem.

YEREMIA 10:18

Anne wattua laNapasambilai Batara sikontu bansa Yehuda mange ri pa'rasangang pammelakkanga; laniancuru' ngasengko taba sikali. Iaminjo pasanNa Batara.

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

YEREMIA 16:13

LaKubongkako assulu' battu ri anne pa'rasanganga nampa Kupelakko mange ri se'reang pa'rasangang tena sikalia nuassengi siagang boe-boenu. Anjorengko lassambayang allo bangngi mae rewata-rewata maraenga, siagang tena Kulamangngamaseang mae ri kau.’ ”

YEREMIA 22:27

Lasanna' nakku'nu ri anne pa'rasanganga, mingka tena nulammotere'.”

YEREMIA 28:4

LaKuerang tongi ammotere' Yoyakhin ana' bura'nena Yoyakim karaeng Yehuda, siagang sikontu ra'ya' Yehuda ia le'baka niengka' mange ri Babel. Tojeng, laKupa'jari pesoki kagassinganna Babel. INakke, Batara, anne akkana.”

YEREMIA 29:2

Anjo suraka kutulisiki ri le'ba'na niengka' Karaeng Yoyakhin, amma'na, pagawe-pagawe balla' karaenga, pagawe-pagawe pamarentahang Yehuda siagang Yerusalem, sikamma pajama-pajamaya, kammayatompa sikamma panrea, mange ri butta pammelakkanga.

YEREMIA 44:14

Battu ri tu Yehuda tassesaya, ia a'lampayamo mange ri Mesir untu' ammantang anjoreng, tena manna sitau lata'lappasa' yareka attallasa'. Tena manna sitau battu ri ke'nanga lakkulle ammotere' mange ri Yehuda, manna pole nasanna' ero'na ke'nanga. Tojeng, tena manna sitau lakkulle ammotere' pantaranganna siapa are tau a'lilia untu' annompang.”

2 KARAENG-KARAENG 25:27

Ri tanggala' 27 bulang 12 lalang ri taung makatallumpulo antuju le'ba'na niengka' Yoyakhin mange ri pammelakkanga, Ewil-Merodakh a'jari karaeng ri Babel. Ia memang anjo taunga namangngamaseang mae ri Yoyakhin na nalappassang battu ri tarungkua,

2 KARAENG-KARAENG 25:29

Tenamo nammakeang tunitarungku Yoyakhin, siagang biasai angnganre ri balla' karaenga, kammayatompa nisarei doe' untu' kaparalluang katallassanna.