YEREMIA 22:15 - KITTA' MATANGKASA'

^15-16 Pilangngeri, he Karaeng Yoyakim! Punna nubangung balla' karaeng battu ri kayu Libanon kaminang bajika, maka nukana anjo a'jari butti angkanaya ikau karaeng kaminang baji' battu ri sikamma karaeng maraenga? Coba sai u'rangi manggenu: Nakasiaki tallasa' mate'nea siagang angngerangi wassele' sikontu usahana, lanri tuli lambusuki siagang tena najekkong angngadeli, kammayatompa adeleki angngadeli parkarana tau kasi-asia. Memang kammaminjo mustina panggaukanna tau tappaka mae ri Batara.

YEREMIA 22:15 Referans Kwoze

2 KARAENG-KARAENG 23:25

Tena le'bakai nia' karaeng sangkamma Yosia, attojeng-tojenga ri pa'mai'na anynyomba mae ri Batara, siagang napa'nyatami anjo lalang ri carana attallasa' siagang appanggaukang, situru' sikontu hukkung niaka tattulisi' lalang ri kitta'na Musa. Manna ri tenanamo Yosia, tena tommo karaeng sangkammanna.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

KATO'BA 10:17

Upaki pa'rasangang nikangalikanga karaenna, tumalompona nampai angnganre punna narapi' wattunna, tenaya napainung siagang akkullea ampakalewai kalenna.

PANGNGEBARANG 25:5

Pakabellai sikamma pappakainga' ja'dalaka battu ri balla' lompoa, nampami jarre' pamarentahanga lanri kaadelang.

PANGNGEBARANG 29:4

Punna naparhatikang pamarentaya kaadelanga, lakassaki pa'rasanganna. Mingka punna doe' bawang naparalluang, laruntungi pa'rasanganna.

2 KARAENG-KARAENG 22:2

Yosia nagaukangi apa Nangaia Batara. Naturuki panggaukanna boena iamintu Karaeng Daud, siagang naturuki tojeng-tojengi sikontu hukkunNa Allata'ala.

PANGNGEBARANG 21:3

Panggaukang adeleka siagang annabaya la'bi napakasannangi pa'mai'Na Batara, kala sikontu passarea.

1 KARAENG-KARAENG 10:9

Nipujimi Batara, Allata'alata! Lalang Naangkatta a'jari karaeng Israel, Napappicinikammi Batara antekamma mangngaiNa mae ri katte. Tena le'ba'-le'ba'na Nakamaseang bansa Israel; Iaminjo saba'na na Naangkakki' a'jari karaenna ke'nanga, sollanna akkulle kipaenteng hukkunga siagang kaadelanga.”

2 SAMUEL 8:15

Kammaminjo batena Daud ammarenta ri sikontu Israel siagang najagai sollanna nigau' adele' siagang baji' ra'yaka.

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

LAMPA-LAMPANA 2:46

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga.

LUKAS 11:41

Anjo bageang lalanganna mangko'nu siagang pirinnu, iaminjo musti nupassareang mae ri tu kasi-asia. Punna kammamo anjo batenu, ma'nassa la'jari tangkasa' ngasemmi ri kalennu.

YEREMIA 23:5

Nakana Batara, “Lanarapiki sallang wattunna, naKuangka' sitau karaeng adeleka battu ri jari-jarina Daud. Anjo karaenga lacara'deki batena ammarenta, siagang nagaukangi apa adeleka siagang annabaya ri sikontu pa'rasanganga.

YEREMIA 22:18

Lanri kammana anjo, ri sesena Yoyakim karaeng Yehuda, ana' bura'nena Yosia, kammaminne kananNa Batara, “Kamateanna tena nalanikarruki; tena tau lakkana, ‘Kodong, agangku, kodong.’ Tena tau lasusa yareka ammarrang angkana, ‘Kodong karaeng!’

YEREMIA 22:3

“A'gau' adelekko siagang a'gau' lambusukko. Lappassangi tau nipaccoka battu ri kakoasanna tau papaccoka. Teako anjallakkangi yareka teako a'gau' ja'dalaki mae ri bansa maraeng niaka ammantang ri alla'nu, mae ri ana'-ana' kukanga, yareka mae ri jandaya. Teako bunoi tau tenaya salana ri anne tampaka.

YESAYA 33:16

Na lanijagai mako siagang laamang mako, rapang niakko lalang ri tembo' pattahangngang kassaka. Sadiai kanrea siagang inunganga untu' ikau.

YESAYA 9:7

Napabattumi Batara hukkunganga mae ri kakaraenganna Israel.

KATO'BA 2:24

Tenamo bajikangngang mae ri rupataua nikanaya angnganre, angnginung siagang angkasiaki wassele' jama-jamanna. Kuassengi angkanaya anjo lagi napassareNaji bawang Allata'ala.

PANGNGEBARANG 31:9

Appattujuangko untu' ke'nanga, siagang a'jariko haking adele'. Katutui ha'na tu kasi-asia siagang tau nijallakkanga.”

PANGNGEBARANG 20:28

Punna ammarenta karaenga siagang mangngamaseang, lambusu', siagang adele', latuli makoasai.

2 PATTOTTORANG 34:2

Nagaukangi apa Nangaia Batara; naturuki panggaukanna Karaeng Daud boe-boena, siagang naturuki sikontu hukkung-hukkunNa Allata'ala.

1 PATTOTTORANG 3:15

Yosia nia' appa' ana'na bura'ne, iamintu: Yohanan, Yoyakim, Zedekia, siagang Yoahas.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

YEREMIA 7:5

Pinrai katallassannu siagang panggaukannu. Adelekko tasse're-se're tau mae ri parannu tau.

2 PATTOTTORANG 35:22

Mingka kammaji lompona pattujunna Yosia untu' angngewa, siagang taerokai appilangngeri Yosia ri apa Napaua Allata'ala tete ri Karaeng Nekho. Ammake palusu'mi Yosia nampa antama' ri pa'bundukanga ri lappara' rawana Megido.

2 PATTOTTORANG 35:26

Pau-pau maraengannaya ri passala'na Yosia, ri passala' pangngaina mae ri Batara, siagang antekamma mannurukinna mae ri hukkung-hukkunNa Batara,