YEREMIA 21:14 - KITTA' MATANGKASA'

¹⁴ mingka iNakke langhukkungko lanri panggaukannu. Balla' karaennu laKutunui, kammayatompa yangaseng-ngasenna apa niaka ri tammulilina lanitunu tongi. INakke, Batara, anne akkana.”

YEREMIA 21:14 Referans Kwoze

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

YEREMIA 52:13

Nebuzaradan natunui Balla'Na Batara, balla' karaenga, siagang balla'na sikontu pamimpinga ri Yerusalem.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

2 PATTOTTORANG 36:19

Naruntungi tembo' kotana Yerusalem, kammayatompa Balla'Na Batara siagang sikontu balla' karaenga natunui siagang barang-barang lompoa anggaranna niaka ija lalang ri anjo sikamma balla' karaenga.

YEREMIA 9:25

Nakana Batara, “Lanarapiki sallang wattunna naKuhukkung tu Mesir, Yehuda, Edom, Amon, Moab, siagang pandudu'na parang lompoa ancukkuru' bodoai uu'na. Nisunna' ngasengi ke'nanga sangkamma tu Israel, mingka baji' nake'nanga kammayatompa bansa Israel nipasangkammai siagang sikamma tau tenaya nisunnaki, lanri tenana namannuruki ke'nanga ri parjanjiang nipangngebaranga lalang sunnaka anjo.”

ZAKHARIA 11:1

He Libanon, sungke ngasengi sikontu pakke'bu'nu, sollanna nakanre pepe' poko'-poko' arasa'nu!

YEREMIA 22:7

LaKukiringi battu taua untu' angngancuruki. Langngerangi ke'nanga pangkulu', nampa narumbang sikamma benteng-benteng ga'gana nipareka battu ri camara Libanon. Nampa lanapasambila ke'nanga antama' ri pepeka.

YEREMIA 11:22

Lanri kammana anjo, Nakanamo Batara Kaminang Koasaya, “LaKuhukkungi ke'nanga! Sikamma tau rungkana ke'nanga lamatei lalang pa'bundukang, lamate cipuruki ana'-ana'na ke'nanga.

YEREMIA 6:29

Sanna'mi bambanna pappasolonganga, mingka taerokapi a'lesang ra'masa'na siagang tappela' ra'masa'na anjo bulaenga. Tena matu-matunna ummakKu tuli niso'ri untu' nipakati'no', lanri sikamma tau ja'dala'na tena napabellai.

YESAYA 37:24

Akkiringko tau untu' akkana borro, angkanaya lanri jaina kareta bundu'nu, nupatundu'mi sikamma moncong kaminang tinggia ri Libanon. Nupattampo-tampoangi kalennu angkanaya le'ba'mi nuta'bang sikamma poko'-poko' camarana kaminang tinggia siagang kaminang ga'gaya, kammayatompa nutarrusu'mi sikamma romang kaminang ka'ba'na.

YESAYA 24:21

Anjo wattua laNahukkungi Batara sikamma tukoasaya ri sikontu linoa siagang sikamma karaenga ri buttaya.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YESAYA 10:16

Lanri tu Asyur napattampoangi kalenna, laNapabattui Batara Kaminang Makoasaya garringa, untu' anghukkungi sikamma perwira porena ke'nanga. Ia ke'nanga lanatabai rammusu' lompo, rapang pepe' akkanrea tulusu' ambambangi ke'nanga.

YEREMIA 11:16

Le'baki Kuareng ke'nanga poko' zaitun coppong leko'na, rassi siagang rappo-rappo baji'. Mingka, kamma-kamma anne lalang sa'ra gamarrung lompo laKutunu ngasengi leko'na siagang laKutepo' ngasengi tangke-tangkenna.

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 22:1

Nasuroa' Batara a'lampa mange ri balla' karaenna karaeng Yehuda, jari-jarina Daud, untu' ampabattui pasanNa Batara mae ri karaenga, mae ri sikamma pagawena, kammayatompa mae ri sikontu pandudu'na Yerusalem. Iaminne kana-kananNa Batara mae ri ke'nanga,

YEREMIA 46:23

siagang ambattasaki romang lompo tenaya nakkulle nipantamakki. Tantara musua takkulleai nibilang siapa jaina, la'bi jaiangngangi nakatimbanga. INakke, Batara anne akkana.

YEREMIA 50:32

Anjo bansanu tinggi langgaya latatto'roi na tu'guru'. Tena manna sitau lantulungko ampabangungko. Kota-kotanu laKutunui, siagang sikontu apa niaka ri tammulilina laKuancuruki.”

PIRAUNG 2:3

Lalang a'rinrana larroNa, Natepoki kagassinganna Israel. Ri wattunta nibunduki ri musu, taerokai nyawaNa antulungki'. Rapang pepe' a'jalloka angkanrei sikamma niaka, kammami anjo larroNa Batara mae ri katte ngaseng.

PANGNGEBARANG 12:14

Tunggala' tau anggappai pa'balasa' situru' kana-kananna siagang panggaukanna; massing nisarei pahala situru' kana-kananna siagang panggaukanna.

YEREMIA 6:19

Parhatikangi, he ikau buttaya! Taerokai ummakKu antarimai pangngajarangKu siagang taerokai mannuruki ri Nakke. Lanri kammana anjo ero'na ke'nanga, Kupitujui ke'nanga bala lompo.

YEHEZKIEL 21:3

angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.

MIKHA 7:13

Mingka buttaya la'jari kalotoroki lanri kaja'dallanna pandudu'na.