YEREMIA 21:11 - KITTA' MATANGKASA'

^11-12 Nasuroa' Batara ampabattui anne pasanga mae ri kaluargana karaeng Yehuda, jari-jarina Daud, angkana, “Pilangngeri anne iNakke, Batara, angkana. Usahai sollanna nipajappa kaadelanga allo-allona. Lappassangi tau nipaccoka battu ri kakoasanna tau papaccoka. Punna tena, anjo kaja'dallang nugaukanga lanapa'rinrai larroKu rapang pepe' a'rinra lompoa natakkullea nibuno pepe'na.”

YEREMIA 21:11 Referans Kwoze

YEREMIA 17:20

Pabattui pasangKu mae ri sikamma karaenga siagang sikontu tu Yehuda kammayatompa sikontu pandudu'na Yerusalem allaloa ri sikamma anjo pakke'buka.

MIKHA 3:1

Pilangngeri, he ikau sikamma tukoasana Israel! Mustina nuassengi nikanaya apa adele',

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

YEREMIA 22:1

Nasuroa' Batara a'lampa mange ri balla' karaenna karaeng Yehuda, jari-jarina Daud, untu' ampabattui pasanNa Batara mae ri karaenga, mae ri sikamma pagawena, kammayatompa mae ri sikontu pandudu'na Yerusalem. Iaminne kana-kananNa Batara mae ri ke'nanga,

YEREMIA 22:18

Lanri kammana anjo, ri sesena Yoyakim karaeng Yehuda, ana' bura'nena Yosia, kammaminne kananNa Batara, “Kamateanna tena nalanikarruki; tena tau lakkana, ‘Kodong, agangku, kodong.’ Tena tau lasusa yareka ammarrang angkana, ‘Kodong karaeng!’