YEREMIA 21:10 - KITTA' MATANGKASA'

¹⁰ Le'ba'mi Kupattantu angkana laKuancuruki anne kotaya, siagang tena naKupassayangi. Anne kotaya laKupassareangi mae ri karaeng Babel; lanatunui sa'genna cappu' taba sikali. INakke, Batara, anne akkana.”

YEREMIA 21:10 Referans Kwoze

YEREMIA 44:11

Lanri kammana anjo, iNakke, Batara Kaminang Koasaya, Allata'alana Israel ambaliangko siagang angngancuruki sikontu Yehuda.

AMOS 9:4

Punna nitahangi ke'nanga ri musua, laKuparentakangi sollanna nibuno ke'nanga. Le'ba' Kupattantumi laKupanraki ke'nanga, siagang tena nalaKubantu ke'nanga.”

YEREMIA 44:27

LaKuusahai sollanna anggappako cilaka siagang tena numate'ne, sa'gennu mate kabusu', baji' lanri pa'bundukang kammayatompa lanri garring.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

YEREMIA 52:13

Nebuzaradan natunui Balla'Na Batara, balla' karaenga, siagang balla'na sikontu pamimpinga ri Yerusalem.

YEREMIA 39:8

Lalang kammana anjo tu Babel natunumi balla' karaenga sikamma balla'na ngaseng ra'yaka, kammayatompa naruntungi tembo'-tembo' kalli'na Yerusalem.

YEREMIA 38:18

Mingka punna taerokako manyara, anne kotaya latu'guruki antama' ri limanna tu Babel. Lanatunui ke'nanga sa'genna la'busu', siagang manna ikau tena todong nulata'lappasa'.”

YEREMIA 34:2

Nasuroa' a'lampa mange ri Zedekia karaeng Yehuda, nampa akkana kamma anne, “INakke, Karaeng Allata'alana Israel, laKupassareangi anne kotaya mae ri karaeng Babel siagang lanatunui.

2 PATTOTTORANG 36:19

Naruntungi tembo' kotana Yerusalem, kammayatompa Balla'Na Batara siagang sikontu balla' karaenga natunui siagang barang-barang lompoa anggaranna niaka ija lalang ri anjo sikamma balla' karaenga.

YEREMIA 38:23

Kukana pole, “Sikontu ana'na siagang bainenna karaenga lanierangi mange ri tu Babel. Manna kalenna karaenga tena todong nalakkulle ta'lappasa' battu ri ke'nanga. Lanijakkalaki karaenga ri karaeng Babel, siagang anne kotaya lanitunui sa'genna la'busu'.”

PAMMUJI 34:16

Naparhatikangi Batara tu bajika, Napilangngeri ke'nanga punna akkio' appala' tulung

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

KAIMANGNGANG 17:10

Punna nia' tu Israel yareka bansa maraeng ammantang tulia ri alla'na tu Israel angnganre cera', lanihukkungi ri Batara siagang takkulleami nibilang anggota umma'Na Batara.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

YEREMIA 34:22

LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”

YEREMIA 26:6

Punna tuli teanu mappilangngeri, anne balla' sambayanga laKupa'jari sangkamma Silo, sa'genna sikontu bansaya ri lino napakei arenna kota Yerusalem anne salaku kana pattunra.”

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 33:5

tena matu-matunna angngewai tu Babel, nasaba' anjo kammaya poro lanapakajaiji maya'na tau Kubunoa lanri larroKu siagang lussakKu mae ri ke'nanga. TaerokaMa' anciniki pole anne kotaya, lanri sikamma taunna nagaukangi kaja'dallanga.

YEREMIA 39:16

ampauangi Ebed-Melekh anjo tu Sudanga, angkanaya Batara Kaminang Koasaya, iamintu Allata'alana Israel, akkana kammai anne, “Kamma Kupaua riolo, laKupabattui balaya mae ri anne kotaya, siagang teai kakalumanynyangngang. Lanuciniki anjo passala' kammaya kajariang.

YEHEZKIEL 24:11

Kamma-kamma anne padongkoki anjo uring tambaga kosonga irate ri pepeka siagang lappassangi sa'genna a'jari eja a'bara. Punna le'ba'mo akkanre taianna, anjo uringa latangkasa'mi ammotere' situru' atorang agamaya.

AMOS 2:5

Lanri kammana anjo, lakkiringA' pepe' mange ri Yehuda siagang Kutunu sa'genna cappu' sikamma pattahanganna Yerusalem.”

YEREMIA 38:17

Jari kupaumi mae ri Zedekia angkanaya Batara Kaminang Koasaya, Allata'ala nisombaya ri tu Israel, akkana kammai anne, “Punna manyarako mae ri pagawe-pagawena karaeng Babel, tena nulanibuno, siagang anne kotaya tena todong nalanitunui. Ikau siagang kaluarganu lasalamakko.