YEREMIA 20:3 - KITTA' MATANGKASA'

³ Bari'basa'na pole ammuko, ri le'bakku nilappassang nisikko' ri Pasyhur, kukanamo ri ia, “Areng Napassareanga Batara mae ri kau teai Pasyhur, mingka ‘Pammunoang ri kere-keremae.’

YEREMIA 20:3 Referans Kwoze

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

PIRAUNG 2:22

Kikioki musu-musu nakamallakkanga ikambe untu' assua'-suara' ja'dala' ri tammulilina ikambe. Nabuno kabusuki ke'nanga sikontu le'baka naparakai siagang nasayanga ikambe. Ri wattu larroTa, tena manna sitau akkulle lari.

YEREMIA 46:5

Mingka inakke, Batara, Kuciniki ke'nanga ammunduru' napakamma malla'. Sikamma tantarana nibetai, lari napakamma malla' tamassaile mae ri boko.

PAMMUJI 31:13

Nikaluppaia' sanrapang tu mate, a'jarima' sanrapang barang nipelaka.

YEREMIA 6:25

Tenamo nabarani ke'nanga naung ri aganga yareka a'lampa mange ri kokoa, lanri kemae-kemaemi musua angngeranga sanjata appania' karicuang siagang pammunoang.

YESAYA 8:3

Siapa are wattu ribokoanganna attianammi turiballakku. Ri wattunna lassu' anjo ana'na ikambe, Nakanamo Batara ri nakke, “Arengi antu anaka ‘Panrampasang Lacciri', Pangngellakkang Tippaka.’

LAMPA-LAMPANA 16:30

Nampa naerang kapala tarungkua assulu' ke'nanga, na nakana, “O Tuang, apa musti kugaukang sollangku nipasalama'?”

YEREMIA 29:29

Anjo suraka nabacakanga' Imang Zefanya.

YEREMIA 19:6

Lanri kammana anjo, nia' sallang nanarapiki wattunna naanne tampaka tenamo naniarengi Tofet yareka Ka'bung Lappara' Hinom, passangalinna Ka'bung Lappara' Pammolongang.

YEREMIA 19:2

untu' a'lampa siagang ke'nanga mange ri Ka'bung Lappara' Hinom allalo ri Pakke'bu' Lompo Beling. Anjoreng musti kupa'la'bangi kupabattu apa Napappasangnganga ri nakke.

YEREMIA 7:32

Lanri kammana anjo, nia' sallang se're wattu natenamo niarengi anjo tampaka Tofet yareka Ka'bung Lappara' Hinom, passangalinna Ka'bung Lappara' Panynyamballeang. Anjo buttaya la'jari butta pa'jerakkang lanri tenana tampa' maraeng.

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

PA'JARIANG 17:15

Nampa Nakanamo Allata'ala mae ri Abraham, “Tea' mako arengi pole Sarai bainennu, passangalinna appakkaramula kamma-kamma anne aremmi Sara.

YEHEZKIEL 13:9

INakke langhukkungko, he na'bi-na'bi appabattua boto balle-balle siagang paccini' takontutojenga! Takkullea mako amminawang angngalle kaputusang lalang ri pa'rappunganna ummakKu. Lanigarisiki areng-arennu battu ri bansa Israel, siagang tenamo nulammotere' mange ri butta passolongang cera'nu. Na nuassemmo angkana iNakke Batara Kaminang Tinggia.