YEREMIA 20:12 - KITTA' MATANGKASA'

¹² Mingka, o Batara Kaminang Koasaya, Kiso'ri rupataua siagang adele'; Kiassengi atinna siagang pikkiranna ke'nanga. Lanri kammana Kisare laloa' pangngellai ancinikKi' ambalasaki kaja'dallanna musua nasaba' kubuammi mae ri Katte parkaraku.

YEREMIA 20:12 Referans Kwoze

YEREMIA 11:20

Nampa appala' doamma' angkana, “O Batara Kaminang Koasaya, iKattemi haking adeleka; iKatte angngassengi pikkiranna siagang atinna taua. Anne parkaraku kubuangi mae ri Katte. Poro akkulle laloi kucini' angkanaya iKatte ambalasaki panggaukanna sikamma anjo taua.”

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PAMMUJI 54:7

LaNahukkungi musungku siagang kaja'dallang kalenna ke'nanga, laNapossoki ke'nanga lanri tamamminrayai mae ri nakke.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

PAMMUJI 59:10

IKattemi kagassingangku, manrannuanga' mae ri Katte, iKatte tampa' palariangku, o, Allata'ala.

PAMMUJI 139:23

Kisalidikia' o, Allata'ala, kitarrusi pa'maikku, so'ria siagang Kiassemmi pikkirangku.

PAMMUJI 7:9

IKatte angngadeli umma' rupataua; Kisarea' kaadelang, o Batara, saba' tena kusala.

YEREMIA 17:18

Poro Kipakasiriki siagang Kipa'jari mallaki sikamma tau angngondangia' siagang anjallakkangia'. Mingka teaKi' gaukangngi anjo kammaya mae ri nakke, o Batara. Kipabattui balaya mae ri ke'nanga sa'genna ancuru' taba sikali ke'nanga.

YESAYA 37:14

Natarimami Hizkia anjo suraka battu ri sikamma tunasuroa nampa nabaca. Le'baki anjo a'lampami mange ri Balla'Na Batara nampa naka'rang anjo suraka ri dallekanNa Batara,

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PAMMUJI 11:5

Naso'ri Batara tu bajika siagang tu ja'dalaka, Nakabirisi tu nangaia katerassanga.

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

PAPPICINI' 6:10

Akkio' lompomi ke'nanga angkana, “O Batara Kaminang Koasaya, Ia matangkasaka na tojeng! Siapapi sallona nampa Kiadeli tuma'buttaya ri lino siagang Kihukkung ke'nanga lanri nabunona ikambe?”

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

YEREMIA 12:8

Umma' nipileKu nabaliangA'; rapang singa ri romang lompoa, kammaminjo ammarrunna sa'ranna ke'nanga mae ri Nakke. Iaminjo saba'na naKubirisi' mae ri ke'nanga.

YESAYA 38:14

Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.

PAMMUJI 86:4

O, Batara, Kipakarannui pa'mai'na atanTa, saba' mae ri Katte tattuju atingku.

1 SAMUEL 1:15

Mingka appialimi Hana angkana, “Tena nakunasa'ring, bapa', siagang tena sikali nakuangnginung anggoro'! Nakke tappu' panrannuanga', siagang sitabanga' appala' doang ancarita ngasengi kapa'risangku mae ri Batara.

PAMMUJI 58:10

Ri tenanapa nangngu'rangi, naposso'mo ke'nanga, sanrapang rompo' moncongbulo iji na tenapa nalompo mingka la'busu'mi niri'bakang ri anging, sanrapang lamung-lamung kalotoro'.