YEREMIA 2:4 - KITTA' MATANGKASA'

⁴ Pilangngeri pasanNa Batara, he ikau jari-jarina Yakub, suku-suku Israel!

YEREMIA 2:4 Referans Kwoze

MIKHA 6:1

Pilangngeri tuduhanNa Batara mae ri Israel. Ammenteng maKi', o Batara, Kipamajumi tuduhanTa! Lappassammi nalangngere' monconga siagang buluka apa eroka Kipau.

HOSEA 4:1

Nia' parkaraNa Batara siagang pandudu'na anne pa'rasanganga. He Israel, pilangngeri anne apa kananNa, “Ri anne pa'rasanganga tena kamajarrekang pa'mai' siagang pangngamaseang, siagang pandudu'na tena naaniA' salaku Allata'ala.

YEREMIA 34:4

Mingka pilangngeri anne kanangKu ri passala'na kalennu, Zedekia! Tena nulamate lalang pa'bundukang,

YEREMIA 33:24

“Le'ba'mi nuparhatikang apa napaua taua mae ri tu Israel siagang tu Yehuda? Nakana ke'nanga angkanaya Kupela'mi anjo ruaya bansa le'baka Kupile. Iaminjo saba'na nanacini' tuna ummakKu, tenamo nabilangi salaku se're bansa.

YEREMIA 31:1

Nakana Batara, “Lanarapi sallang wattunna naKua'jari Allata'ala mae ri sikontu suku Israel, siagang ke'nanga a'jari ummakKu.

YEREMIA 19:3

Musti akkana kamma' anne, “He sikamma karaenna Yehuda siagang pandudu'na Yerusalem! Pilangngeri eroka Kupau, iNakke Batara Kaminang Koasaya, Allata'alana Israel, angkanaya, lappabattuA' bala lompo mae ri anne tampaka, sa'genna ta'bangka tau allangngerekai.

YEREMIA 13:15

Umma' Israel, le'ba'mi a'bicara Batara! Teako tampoi, mappilangngeri mako ri Ia!

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEREMIA 2:3

Israel, iNakke KalengKu ampatangko, Kusayanga lalang ri pa'maikKu. Kupitujui bala sikontu tau ansessayako, iNakke, Batara, anne akkana.”

YEREMIA 2:5

Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

YEREMIA 10:1

Umma' Israel, pilangngeri anne pasanNa Batara mae ri kau.