YEREMIA 2:36 - KITTA' MATANGKASA'

³⁶ Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

YEREMIA 2:36 Referans Kwoze

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

HOSEA 5:13

Bansa Israel siagang bansa Yehuda nasadari kakodianna sarenna. Jari a'lampami tu Israel mange appala' bantuang battu ri Asyur, battu ri karaeng lompoa. Mingka anjo karaenga takkulleai antulungi yareka ampakabajiki katallassanna ke'nanga.

HOSEA 12:1

Nakana Batara, “NakulilingiA' bansa Israel siagang bicara balle-ballena na gau' annipuna; bansa Yehuda tulusu' angngewana ri Nakke, Allata'ala Matangkasaka siagang majarreka.

YEREMIA 2:23

Barani tojengko angkana tena nupalla', siagang tenale'bakako amminawang ri Rewata Baal! Ciniki gio'-gio'nu ri lappara'na ka'bunga, u'rangi kaja'dallannu siagang akuimi! Rapangko unta gana balereka, piti lari-lari takkulle nilewai,

2 PATTOTTORANG 28:16

Appakkaramulami pole tu Edom ambunduki tu Yehuda nampa jai tu Yehuda natahang ke'nanga. Lanri kammana anjo appala'mi bantuang Karaeng Ahas mae ri Tiglat-Pileser, karaeng Asyur, sollanna akkiring bantuang.

HOSEA 14:3

Ammotere' mako mae ri Batara, pabattumi anne pappala' doang salaku panynyombannu ri Ia angkana, “O Batara, pammopporangi dosana ikambe, siagang Kitarima laloi anne pappala' doanna ikambe, namammuji ikambe mae ri Katte situru' kana janjinna ikambe.

HOSEA 10:6

Anjo barhalaya laniengkaki mange ri Asyur untu' nihadiakang mae ri karaeng lompoa. Naturuki Israel rancana angngerangai ke'nanga mae ri nipakasirika siagang nipakatunaya.

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.

YEHEZKIEL 29:7

Ri wattunna tanjeng ke'nanga ri kau, ikau tepo' mako nampa nuto'do' epana ke'nanga, sa'genna tassala ura' salangganna ke'nanga.

PIRAUNG 5:6

A'lampai ikambe appala'-pala' ri Mesir, appala'-pala' kanre ri Asyur.

PIRAUNG 4:17

Mangngammi matanna ikambe attayang pannulung tenaya nabattu-battu. Manrannuangi ikambe ri pannulunna senreang bansa, mingka tenaya nakkulle assare apa-apa.

YEREMIA 37:7

akkana kamma anne mae ri tunasuroa Zedekia: “Pauangi Zedekia kamma anne, ‘Niaki tantara Mesir a'jappa mae anrinni untu' ambantuko, mingka la'gilingi nampa ammotere'.

YEREMIA 2:33

Cara'de' tojeng-tojengko appare' akkala' untu' angngallei nyawana sikamma tanrinnu. Manna pasundala' kaminang panraka akkulle tongiji appilajara' mae ri kau!

YEREMIA 2:18

Apa nusawala' a'lampa mange ri Mesir? Ero' angnginungi je'ne'na Binanga Nil? Apa nusawala' a'lampa mange ri Asyur? Ero' angnginungi je'ne'na Binanga Efrat?

YESAYA 20:5

Sikamma tau ampattoangai Sudan siagang angkalompoang pa'maiki Mesir lala'ba ngasengi pa'mai'na siagang laancuruki pa'minasana.

YEREMIA 46:12

Katallassannu appakasirika, niassemmi ri bansa-bansaya. Sa'ra ammarrannu nilangngere'mi ri sikontu linoa. Tantara se'rea tatto'roi ri tantara maraenga; para tu'guruki ke'nanga ta'bentang naung ri buttaya.

YEHEZKIEL 16:28

Mingka tenapa nasangga nusa'ring pakkasia'nu; lanri kammana anjo, nuondang-ondangi pole tu Asyur. A'jariko pasundala'na ke'nanga, mingka tena tompa nasangga nusa'ring pakkasia'nu mae ri ke'nanga.

YEREMIA 22:20

Nakana Batara, “He pandudu'na Yerusalem, a'lampako mange ri Libanon siagang Basan, nampa akkiokko anjoreng. Ammarrangko ri monconna Moab, nasaba' sikontu agannu nibeta ngasemmi.

YEREMIA 22:22

Lanri kammana anjo sikamma pamimpinnu lalanynyaki rapang nitui' ri anging. Sikamma agang-agannu laniengkaki salaku tau nitahang, kammayatompa kotanu lanihinai siagang nipakasiriki passabakkang sikontu kaja'dallannu.