YEREMIA 2:32 - KITTA' MATANGKASA'

³² Maka nia' tulolo angkaluppai belo-belona, yareka bunting baine angkaluppai baju buntinna? Mingka ikau sallo sikaliMa' nukaluppai – takkulleami nirekeng angkana siapami sallona.

YEREMIA 2:32 Referans Kwoze

PAMMUJI 106:21

Nakaluppai ke'nanga Allata'ala Mappasalama'na ke'nanga le'baka anggaukangi gau'-gau' malompoa ri Mesir.

YEREMIA 13:25

Iaminjo sarennu le'baka Kupattantu, lanri nukaluppaingKu, siagang lanri tappa'nu mae ri rewata-rewata takontutojenga.

YEREMIA 3:21

Ri coppo'na bulu'-buluka nia' kalangngerang sa'ra gegere'; iaminjo sa'ranna umma' Israel angngarru' siagang appala' tojeng, lanri dorakami ke'nanga, siagang nakaluppaimi Karaeng Allata'alana ke'nanga.

YEREMIA 2:11

Tale'bakai nia' se're bansa ansambei rewatana manna pole naanjo teai Allata'ala sitojennaya. Mingka, ummakKu le'bakKa' nasambei, kalompoanna ke'nanga siagang se'rea apa takkulle appare' apa-apa.

YESAYA 17:10

O, Israel, nukaluppaimi Allata'ala le'baka ampasalamakko siagang alla'langiko sanrapang moncong batu kassaka. Kabalekanna, nulamungimi kokonnu untu' rewata-rewataya.

HOSEA 8:14

Ambangungi tu Israel siapa jaina balla' karaeng, mingka nakaluppai ke'nanga angkana inai ampa'jari kalenna. Natambai tu Yehuda kota-kota pattahanganna napila' jai, mingka lappaturungA' pepe' untu' antunui sa'genna cappu' sikamma balla' lompona siagang kota-kotana ke'nanga.”

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

PAMMUJI 9:17

Napa'nyatami KalenNa Batara lanri adele'na kaputusanNa. Loposoki tu ja'dalaka lanri panggaukang kalenna tonji.

YEREMIA 18:15

Mingka ummakKu takkaluppami ri Nakke, nampa attunu dupa untu' barhalaya. Tatto'roi ke'nanga ri oloang mustia naolo ke'nanga riolo dudu, nampa ammengka ri oloang tenayapa nanilappari.

YEREMIA 13:10

Anne bansa ja'dalaka sanna' kapala batuna siagang taerokai mannuruki ri Nakke. Anynyombai siagang napa'jari atai kalenna ke'nanga mae ri rewata-rewata maraenga. Lanri kammana minjo nala'jari ke'nanga rapang anjo lipa' bodo tenaya matu-matunna.

PAPPICINI' 21:2

Kucini'mi anjo kota matangkasaka, iamintu kota Yerusalem berua, turunga battu ri Allata'ala ri suruga. Le'ba'mi nipasadia anjo kotaya sanrapang bunting baine nimodeia untu' bunting bura'nena.

YEHEZKIEL 22:12

Nia' todong a'jari pabuno nigaji, nangaia ampaccoki julu bansana. Kabusu'na ke'nanga nakaluppaiMa'. INakke, Batara Kaminang Tinggia, anne akkana.

PA'JARIANG 24:22

Le'baki angnginung ngaseng anjo untaya sa'genna bassoro', angngallemi anting-anting bulaeng tinggia anggaranna anjo surona Abraham, nampa napataba ri ka'murunna anjo tuloloa. Nampa napatabai limanna sipasang ponto bulaeng.

2 SAMUEL 1:24

He, tubaine Israel, karruki Saul karaenga! Ammodeako siagang baju eja ka'jalaka, siagang ambelo-beloako bulaeng paramata ga'gaya.

PA'JARIANG 24:53

Nampa appasulu'mo pakeang, belo-belo pera' siagang bulaeng, nampa napassareang ngaseng anjo sikammaya mae ri Ribka. Kammayatompa daenna siagang amma'na nasare tommi hadia yangaseng ka'jalaka ballinna.

YESAYA 57:11

Nakana Batara, “Inaika anjo rewata-rewata ampajariako malla', sa'gennu a'balle-balle siagang tenamo nungngu'rangi mae ri Nakke? Apaka tenamo nunynyomba mae ri Nakke lanri sallo duduKumo tamakkana-kanaya?

YEREMIA 2:33

Cara'de' tojeng-tojengko appare' akkala' untu' angngallei nyawana sikamma tanrinnu. Manna pasundala' kaminang panraka akkulle tongiji appilajara' mae ri kau!

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

HAKING-HAKING 8:34

Tenamo nanynyomba ke'nanga mae ri Allata'ala, Batarana ke'nanga, le'baka allappassangi ke'nanga battu ri kakoasanna musu-musu niaka ri tammulilina ke'nanga.

YEREMIA 23:27

Nipikkiriki ke'nanga angkanaya lanri anjo so'na-so'na nacaritaya, nakkullemo takkaluppa ummakKu mae ri Nakke sangkamma batena boe-boena ke'nanga takkaluppa ri Nakke nampa anynyomba ri Rewata Baal.