YEREMIA 2:26 - KITTA' MATANGKASA'

²⁶ Nakana Batara, “Rapang palukka' siri'-sirika ri wattunna nijakkala', kamma tomminjo batenu lasiri'-siri' ngaseng, he tu Israel, siagang sikamma karaenga, sikamma pamarentaya, siagang imang-imanga siagang sikamma na'bi-na'binu!

YEREMIA 2:26 Referans Kwoze

YEREMIA 32:32

lanri sikontu kaja'dallang nagaukanga tu Yehuda siagang Yerusalem, sikamma karaenga, pagawe pamarentaya, imanga, siagang na'bi-na'bina ke'nanga.

EZRA 9:7

Battu ri boe-boena ikambe sa'genna kamma-kamma anne, ikambe ummatTa dorakai ri Katte. Lanri kammana anjo, nasikamma karaenna siagang imanna ikambe nibetami ri karaenna bansa-bansa maraenga. Nibunoi ikambe, niellaki, siagang nierangi mange nipela'. Nihina tojeng-tojemmi ikambe, sangkamma kaadaanga anne alloa.

ROMA 6:21

Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

YEREMIA 48:27

Sai riolo le'baki nikakkali Israel ri Moab siagang napareki carita rapang angkanaya le'baki nirapikang ke'nanga siagang ngaseng palukkaka?

YEREMIA 2:36

Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

YESAYA 1:29

Lanipakasiriki ke'nanga lanri anynyombana ri poko'-poko' kayua siagang anynya'la'na koko-koko untu' rewata-rewataya.

YEHEZKIEL 16:54

Lanri kammana anjo lasiri'-siri' mako mae ri kalennu, siagang anjo katunaannu lampappicinikangi mae ri sikamma sari'battannu antekamma la'bi baji'na sarenna ke'nanga.

YEHEZKIEL 22:26

Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.

ZAKHARIA 5:4

Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”

PAMMUJI 97:7

Sikontu tau anynyombaya ri barhala lanipakasiriki, ampattampoangai barang-barang tenaya matu-matunna; sikontu rewataya lasu'juki ri dallekanNa Batara.

YESAYA 44:9

Anjo tau appareka barhala tena matu-matunna, siagang anjo rewata-rewata napakalompoa ke'nanga tena anggaranna. Tau anynyombaya ri anjo patunga butai siagang tena apa-apa naasseng, lanri kammanna lasiri'-siriki ke'nanga napakamma.

YESAYA 44:11

Tojeng, sikontu tau anynyombaya patung latu'guru' siri'-siriki. Anjo tau appareka patung tau biasaji. Suromi ke'nanga para maju siagang; mattantu lamallaki siagang lasiri'-siriki ke'nanga.

YEREMIA 4:9

Nakana Batara, “Ri anjo alloa sikamma karaenga siagang sikamma pamarentaya latappela'mi sumanga'na; sikamma imanga lannekkereki siagang sikamma na'bi-na'bia lata'bangkai.”

YEREMIA 22:22

Lanri kammana anjo sikamma pamimpinnu lalanynyaki rapang nitui' ri anging. Sikamma agang-agannu laniengkaki salaku tau nitahang, kammayatompa kotanu lanihinai siagang nipakasiriki passabakkang sikontu kaja'dallannu.