YEREMIA 2:21 - KITTA' MATANGKASA'

²¹ Kulamungko rapang poko' anggoro' Kupilea battu ri lamungang bajika. Mingka kamma-kamma anne amminra mako, a'jari lamung-lamung liara' siagang tenaya matu-matunna.

YEREMIA 2:21 Referans Kwoze

YESAYA 5:4

Apapi pole musti Kugaukang, mingka tenapa Kugaukangi mae ri anjo koko anggorokKu? Angngapa narappo kacci narappoang, teai rappo baji' sangkamma Kuminasaia?

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

YOHANES 15:1

Nakanamo pole Isa, “INakkemi sanrapang poko' anggoro' sitojennaya, na ManggeKu a'jari Tummarakaina ri kokonNa.

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 80:8

O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

PAOLE 4:37

Lanri Nakamaseangi boe-boenu, na Napile mako; lanri koasa malompoNa na Naerang mako assulu' battu ri Mesir.

LUKAS 20:9

Nacaritami Isa mae ri taua anne pangngebarang angkanaya, “Nia' sitau allamungi anggoro' kokonna. Napappitesangangi anjo kokonna mae ri siapa are pajama koko. Nampa a'lampa mange ri pa'rasangang maraeng, nammantang sallo anjoreng.

MARKUS 12:1

Nampa appakkaramulami Isa a'bicara pangngebarang mae ri anjo imang-imang kapalaya, guru-guru agamaya kammayatompa pamimping-pamimpinna tu Yahudia. Nakana Isa, “Nia' se're tau a'lamung anggoro' ri kokoa, nampa nakalli' ri tammulilina. Le'baki anjo angngekemi kali'bong eroka napake ammacco' je'ne' anggoro'. Nampa appare' balla' pakkammikang. Le'baki anjo napappitesangammi anjo koko anggoroka mae ri siapa are pajama koko, nampa a'lampa ri se'reang pa'rasangang maraeng.

PAOLE 32:32

Kamma Sodom siagang Gomora ja'dala'na musunna Israel, rapang poko' anggoro' pai' na'racunga rapponna.

MATIUS 21:33

Nakanamo pole Isa, “Pilangngerimi pole anne se'rea pangngebarang. Nia' se're tau ero' allamungi kokonna anggoro'. Napangngalakkimi attammulili kokonna. Nampa appare' kali'bong eroka napake ammacco' je'ne' anggoro'. Appare' tommi balla'-balla' jaga tinggia. Le'baki anjo napappitesangammi anjo koko anggoro'na mae ri siapa are pajama koko. Nampa a'lampa ri se'reang pa'rasangang maraeng.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YESAYA 41:8

Mingka ikau, he Israel, atangKu, umma' Kupilea, ikau turunganna Abraham, sahabakKu.

YESAYA 1:21

Kota tamamminraya tappa'na riolo taunna, kamma-kamma anne sanrapammi baine pagau' sala! Riolo yangaseng pandudu'na adeleki, lambusuki, mingka kamma-kamma anne sangnging pabuno-buno pandudu'na.

YOSUA 24:31

Lalang attallasa'na Yosua, anynyombai umma' Israel mae ri Batara. Kammayatompa ri wattunna matemo, tuli manynyombana ke'nanga mae ri Batara lalang nia'na ija ri alla'na ke'nanga sikamma pamimping le'baka anciniki kalenna sikontu apa le'baka Nagaukang Batara untu' umma' Israel.

PIRAUNG 4:1

Bulaeng accillaka pi'lasa'mi tanja'na batu-batu Balla'Na Allata'ala tassiara'mi ri aganga.

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

YESAYA 27:2

Anjo wattua laNakana Batara, “Akkelongko ri passala' koko anggorokKu ga'gaya.

YEREMIA 11:17

INakke ampaentengi Israel siagang Yehuda, iNakke, Batara Kaminang Koasaya. Mingka, kamma-kamma anne le'ba'mi Kurancanakang laKupabattu balaya mae ri ke'nanga. Kalenna tonji ke'nanga a'jari passabakkang mae ri anjo sikammaya bala, lanri nagaukanna kaja'dallanga, iamintu assarena koro'bang mae ri Rewata Baal, sa'gengKu larro.”

PAMMUJI 80:9

UmmatTa sanrapangi poko' anggoro' Kipaletteka battu ri Mesir. Kibongkai bansa-bansa maraenga, nampa Kilamung anjo pokoka ri pa'rasanganna ke'nanga.

YEREMIA 5:10

LaKusuroi musua ampanraki koko anggoro'na ke'nanga, mingka tena napanraki taba sikali. LaKusuroi anjo musua ambattasaki tangke-tangke anggoro'na ke'nanga, nasaba' anjo tangke-tangkea teai iNakke ampatangi.

YEREMIA 11:16

Le'baki Kuareng ke'nanga poko' zaitun coppong leko'na, rassi siagang rappo-rappo baji'. Mingka, kamma-kamma anne lalang sa'ra gamarrung lompo laKutunu ngasengi leko'na siagang laKutepo' ngasengi tangke-tangkenna.

YEHEZKIEL 15:2

“He tau, apa kala'bianna kayu anggoroka battu ri kayu maraenga ri romang? Apa la'bi baji'na poko' anggoroka battu ri poko'-poko' kayua ri romanga?