YEREMIA 2:14 - KITTA' MATANGKASA'

¹⁴ “Israel teai ata, teai tongi turungang ata. Mingka angngapa nania'lu'mo ri balinna?

YEREMIA 2:14 Referans Kwoze

KALAPPASSANG 4:22

Nampa paumi ri anjo karaenga angkanaya iNakke, Batara, appasang kamma anne: ‘Anjo Israel ana' toaKu,

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

KATO'BA 2:7

Jai atangku, baji' nakuballia, kammayatompa ia lassuka lalang ballakku. Olo'-olo' piaraku bella jaina na olo'-olo' piarana sikontu tau le'baka ammantang ri Yerusalem.

KALAPPASSANG 12:49

Anne paratorang kammaya, nataba tongi tu Israel sitojennaya kammayatompa sikamma bansa maraeng niaka ammantang tuli ri tangnga-tangnganu.”

YEREMIA 5:19

Mingka punna akkuta'nang ke'nanga angkana angngapa naKugaukang ngaseng anjo sikammaya mae ri ke'nanga, pauangi Yeremia, angkanaya antekamma batena ke'nanga ambokoiA' ri pa'rasangang kalenna ke'nanga untu' anynyomba ri rewata-rewatana bansa maraenga, kamma tomminjo la'jari atai ke'nanga ri bansa-bansa maraeng ri pa'rasangang maraeng.”

YEREMIA 17:4

Latarpassai nupassareang tampa' le'baka Kupassareang mae ri kau, siagang laKupa'jariko ata mae ri musunnu ri pa'rasangang tena sikalia nuassengi. LaKugaukang ngasengi anjo sikammaya lanri allumpana larroKu rapang pepe' a'rinra tenaya nakkulle nibuno pepe'na.”