YEREMIA 19:7 - KITTA' MATANGKASA'

⁷ Ri anne tampaka laKupassalasai sikontu rancanana tu Yehuda siagang pandudu'na Yerusalem. LaKubalang parekangi ke'nanga nibeta ri musu-musunna siagang nibuno lalang ri pa'bundukanga. LaKubalang parekangi maya'na ke'nanga nikanre ri jangang-jangang siagang olo'-olo' sekke'.

YEREMIA 19:7 Referans Kwoze

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

YEREMIA 34:20

LaKupassareangko mae ri musu eroka ambunoko. Maya'nu lanikanrei ri jangang-jangang yareka olo'-olo' sekkeka.

YEREMIA 15:9

Amma' ammoteranga tuju ana'na takkaluppami lanri sukkaraki nasa'ring a'mai'. Sassammi nacini' allo katallassanna, nihinami siagang nipakasiri'mi ri pakkasia'na. Kusuroi musu-musua ambunoi niaka ija attallasa' battu ri kau. INakke, Batara, anne akkana.”

YEREMIA 15:2

Punna akkuta'nang ke'nanga ri kau angkana kemae musti a'lampa ke'nanga, appialiko kamma anne, ‘Nakana Batara, ia nipattantua lamate lanri garring lappassammi mate lanri garring. Ia nipattantua lamate lalang pa'bundukang lappassammi mate lalang pa'bandukang. Ia nipattantua lamate lanri cipuru' lappassammi mate lanri cipuru'! Ia nipattantua lanitahang, lappassammi niengka' salaku tunitahang!’

YEREMIA 7:33

Sikamma maya'na ke'nanga la'jari kanre-kanreangi mae ri jangang-janganga siagang olo'-olo' sekkeka, nampa tena tau ambongkai.

ROMA 4:14

Nasaba' punna tau mannurukiaji bawang ri hukkung-hukkung agama Yahudia lantarimai apa Napa'janjianga Allata'ala, tena sikalimo matu-matunna taua tappa' ri Allata'ala; kammayatompa tena tommo matu-matunna anjo janjinNa Allata'ala.

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

PIRAUNG 3:37

Punna tena Nakaerokangi Batara apa-apaya mattantu tenana nakkulle rupataua anggaukangi apa-apaya.

YEREMIA 46:26

laKupassareangi mae ri Nebukadnezar karaeng Babel siagang tantarana eroka ambunoi ke'nanga. Mingka sallang, lanipammantangngi ammotere' Mesir sangkamma riolo. INakke, Batara, anne akkana.”

YEREMIA 22:25

nampa Kupassareangko mae ri tau nukamallakkanga siagang eroka ambunoko. LaKupassareangko mae ri Nebukadnezar karaeng Babel, siagang sikontu pasukanna.

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

YEREMIA 8:8

Barani tojengko nukana kalennu cara'de', siagang nuassengi hukkung-hukkungKu! Cinissai antekamma batena anjo hukkung-hukkungKu nipinra ri panrita-panrita agamaya, a'jekkoa pa'mai'na.

YEREMIA 8:9

Sikamma tau cara'de' niaka ri tangnga-tangnganu lanipakasiriki. Lamatei akkala'na ke'nanga siagang lanaallei sikko'. Taerokai ke'nanga ampilangngeri pappakaingakKu; kamma-kamma anne, kacara'dekang apa mami nia' ri ke'nanga?

YEREMIA 32:28

Anne kotaya laKulappassangi nikoasai ri Nebukadnezar karaeng Babel siagang pasukanna. Lanaallei ke'nanga anne kotaya,

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

1 SAMUEL 17:46

Anne memang alloa naNapassareangko Batara mae ri nakke. Lakubetako, siagang lakusamballei kallonnu nampa kualle ulunnu. Kalennu siagang kalenna ngaseng tantara Filistin lakupassareangi ri jangang-janganga siagang olo'-oloka sollanna nakanrei. Nampa sikontu linoa lanaassemmi angkanaya ikambe bansa Israel nia' Allata'alata nisomba.

2 KARAENG-KARAENG 21:14

Pandudu'na nia' tassesa laKubalang parekangi nibeta ri musunna ia langngalleai siagang langngellakai pa'rasanganna ke'nanga.

YESAYA 29:14

Lanri kammana anjo laKupata'bangkai ke'nanga siagang pattunrung a'mole-molea. Tau cara'deka la'jari toloi, siagang sikontu kacara'dekanna ke'nanga latena ngaseng matu-matunna.”

YEREMIA 21:7

Ikau siagang sikamma pagawenu kammayatompa sikamma tau ta'lappasaka battu ri pa'bundukanga, kacipurang siagang garring, yangasenna laKulappassangko najakkala' Karaeng Nebukadnezar siagang musu-musu eroka ambunoko. Lanabuno ngasengko Nebukadnezar, tena nalanapammopporangko siagang tena nalanakamaseangko. INakke, Batara, anne a'bicara.”