YEREMIA 19:15 - KITTA' MATANGKASA'

¹⁵ angkanaya Batara Kaminang Koasaya, Allata'alana Israel, akkana kammai anne, “Lanri kapala batunu siagang taerokako mappilangngeri, laKupabattui sikontu balaya mae ri anne kotaya siagang sikontu desa niaka ri tammulilina, iamintu bala le'baka Kurancana.”

YEREMIA 19:15 Referans Kwoze

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEREMIA 17:23

Mingka boe-boenu taerokai mappilangngeri yareka amparhatikangi apa Kupaua mae ri ke'nanga. Kapala batui ke'nanga, siagang taerokai mannuruki yareka nipakainga'.

NEHEMIA 9:29

Kipakaingaki ke'nanga sollanna naturuki pangngajaratTa, mingka borroi ke'nanga na natolla' hukkunTa. Nama'nassana, punna nigaukang hukkunTa, mattantu lanikatutui katallassanga. Kapala batui na terasa' nyawa ke'nanga, taeroka mappilangngeri, taeroka mannuruki.

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEREMIA 6:19

Parhatikangi, he ikau buttaya! Taerokai ummakKu antarimai pangngajarangKu siagang taerokai mannuruki ri Nakke. Lanri kammana anjo ero'na ke'nanga, Kupitujui ke'nanga bala lompo.

YEREMIA 11:17

INakke ampaentengi Israel siagang Yehuda, iNakke, Batara Kaminang Koasaya. Mingka, kamma-kamma anne le'ba'mi Kurancanakang laKupabattu balaya mae ri ke'nanga. Kalenna tonji ke'nanga a'jari passabakkang mae ri anjo sikammaya bala, lanri nagaukanna kaja'dallanga, iamintu assarena koro'bang mae ri Rewata Baal, sa'gengKu larro.”

YEREMIA 19:3

Musti akkana kamma' anne, “He sikamma karaenna Yehuda siagang pandudu'na Yerusalem! Pilangngeri eroka Kupau, iNakke Batara Kaminang Koasaya, Allata'alana Israel, angkanaya, lappabattuA' bala lompo mae ri anne tampaka, sa'genna ta'bangka tau allangngerekai.

YEREMIA 22:21

Le'ba'Ma' a'bicara ri kau ri wattunna baji' kaadaannu, mingka taerokako mappilangngeri. Memang kammaminjo gau'-gau'nu battu riolo sa'genna kamma-kamma anne; tale'bakako ero' mannuruki ri Nakke.

YEREMIA 36:31

Ikau, jari-jarinu, siagang sikamma pagawenu laKuhukkungko lanri dosa-dosa nugaukanga ngaseng. LappabattuA' mae ri kau ngaseng sikontu bala le'baka Kupau, lanri baji' naikau kammayatompa pandudu'na Yerusalem siagang Yehuda tena nanuparhatikangi anjo sikontu apa Kuancangngangko.”

YEREMIA 11:11

Lanri kammana anjo, iNakke, Batara, Kupappakaingakkangi angkanaya lappaturungA' bala mae ri ke'nanga, siagang takkulleai ke'nanga alliliangi. Punna akkio' ke'nanga appala' tulung ri Nakke, teA' ampilangngeri.

YEREMIA 13:11

Rapang lipa' bodo tassikko' jarreka ri aya'na tau ampakeai, kammami anjo erokKu sollanna tassikko' umma' Israel siagang Yehuda mae ri Nakke. Lanri kammanami anjo na'jarimo ke'nanga ummakKu ampa'jariai arengKu nipuji siagang nipakalompo. Mingka, taerokai ke'nanga mannuruki ri Nakke.”

YEREMIA 18:11

Nakana Batara ri nakke, “Kamma-kamma anne, pabattui mae ri sikamma tu Yehuda siagang pandudu'na Yerusalem angkanaya kamma-kamma anne apparekKa' rancana untu' ambaliangi ke'nanga, siagang Kupasadiangi ke'nanga hukkungang. Suroi ke'nanga ampamari cara tallasa'na ke'nanga dorakaya kammayatompa napakabajiki panggaukanna ke'nanga.

YEREMIA 25:3

“Lalang ruampulo antallu taung, appakkaramula battu ri taung makasampulona antallu ammarenta Yosia ana' bura'nena Amon ri Yehuda, sa'genna anne alloa le'ba'mi a'bicara Batara mae ri nakke siagang tale'baka' takkaluppa ampabattui mae ri kau ngaseng apa le'baka Napau. Mingka tena nujampangi.

YEREMIA 25:4

Tulusu' Nasurona todong Batara sikamma na'bia atanNa mae ri kau ngaseng, mingka teako ampilangngeri siagang amparhatikangi ke'nanga.

YEREMIA 25:7

Mingka KalenNa Batara angkana, angkanaya tena numappilangngeri mae ri Ia. Ba'lalo nupanaiki larroNa lanri anjo barhala-barhalanu. Ikau ngaseng kalennu ampabattui hukkunganNa mae ri kalennu.

YEREMIA 25:8

Lanri teanu mappilangngeri ri kana-kananNa, naNakanamo Batara Kaminang Koasaya,

PIRAUNG 2:2

Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.