YEREMIA 19:11 - KITTA' MATANGKASA'

¹¹ Musti kupauangi ke'nanga angkanaya akkana kammai anne Batara Kaminang Koasaya, “Anne bansaya siagang kotaya laKuancuruki sa'genna a'jari rapang bongki anjo reppeka tenayamo nakkulle nipakabaji' ammotere'. Lanitarawangi maya'-maya'na ke'nanga ri taua ri Tofet, lanri tenamo tampa' pa'jerakkang maraeng.

YEREMIA 19:11 Referans Kwoze

PAMMUJI 2:9

Lanutepoki ke'nanga siagang takkang bassi na nupokara' sanrapang uring butta.’ ”

YESAYA 30:14

Laancurukko rapang uring butta tappokaraka na tassiara', sa'genna anjo reppe'na takkulleami nipake angngalle bara pepe' battu ri pappalluanga yareka untu' anynye'ro' je'ne' battu lalang ri ba' je'neka.”

PIRAUNG 4:2

Riolo ana'-ana' rungkana Kota Sion rapangi bulaeng tinggia anggaranna, mingka anne kamma nipare' mami rapang uring butta bawang.

YEREMIA 13:14

Nampa laKupasiruppa ke'nanga massing para ia. Tau toa siagang tau rungka laKupakamma ngaseng nampa tena nalanipammopporang. LaKupanraki ke'nanga, tena Kupassayangi yareka tena naKukamaseangi. INakke, Batara, anne akkana.”

YEREMIA 19:6

Lanri kammana anjo, nia' sallang nanarapiki wattunna naanne tampaka tenamo naniarengi Tofet yareka Ka'bung Lappara' Hinom, passangalinna Ka'bung Lappara' Pammolongang.

LAMPA-LAMPANA 21:11

Battui mae ri kambe nampa naalle passikko' aya'na Paulus. Napakemi anjo passikko' ayaka ansikkoki lima kalenna siagang bangkeng kalenna nampa nakana, “Iaminne Napaua RohNa Allata'ala: Anne patanna passikko' ayaka lanisikko' kammaminne ri tu Yahudia ri Yerusalem, nampa nipassareang mae ri bansa maraenga.”

PANGNGEBARANG 6:15

Yangasenna anjo la'jari passabakkang nanituju kalenna ri bala ti'ring battua, nampa ancuru' taba sikali.

YEREMIA 19:12

Anne kotaya siagang pandudu'na laKupa'jari sangkamma Tofet.

YEREMIA 48:38

Irate ri sikontu tompo'na ballaka siagang ri sikamma paranga, sangnging karru' mami nilangngere'. Nasaba' Moab le'ba'mi Kureppe' rapang katoang tenayamo ningai.

YEREMIA 51:63

Jari, punna le'ba' nubaca bonena anne kittaka mae ri sikamma anjo taua, sikkokangi ri batu anne kittaka, nampa nupasambila antama' ri tangnga-tangngana Binanga Efrat,

YEREMIA 25:34

He pamimping-pamimpinga, he sikamma pakalawaki umma'Na Batara! Angngarru' lompoko! Anggulung-gulungko lalang ri aua, nasaba' narapi'mi wattunnu nibuno, siagang ia ta'lappasaka lanipasisa'la'-sa'laki. Lasanrapangko bongki lompoa anggaranna tu'guru' na reppe'.