Biblia Todo Logo
Bib sou entènèt

- Piblisite -




YEREMIA 19:1 - KITTA' MATANGKASA'

1 Nasuroa' Batara a'lampa ammalli bongki, nampa kukio' siapa are pamimpinna bansaya siagang siapa are imang-imang toaya,

Gade chapit la Kopi




YEREMIA 19:1
20 Referans Kwoze  

Riolo ana'-ana' rungkana Kota Sion rapangi bulaeng tinggia anggaranna, mingka anne kamma nipare' mami rapang uring butta bawang.


Laancurukko rapang uring butta tappokaraka na tassiara', sa'genna anjo reppe'na takkulleami nipake angngalle bara pepe' battu ri pappalluanga yareka untu' anynye'ro' je'ne' battu lalang ri ba' je'neka.”


Nampa Nakanamo Batara mae ri Musa, “Passe'rei battu ri bansa Israel tujupulo tau toa, ia niania salaku pamimpinna bansaya. Erangi ke'nanga battu mae ri dallekangKu ilalang ri KemaKu, nampa suroi ke'nanga ammenteng anjoreng ri sa'rinnu.


Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.


Nampa nasuro Elyakim, kapala ruma tanggana balla' karaenga, Sebna jurutulisi'na pa'rasanganga, siagang sikamma imang toayamo, untu' a'lampa mange ri Na'bi Yesaya ana'na Amos. Ammake tommi ke'nanga kaeng karung.


Ri bari'basa' dudua, natappukimi sikontu kapala imanga kammayatompa pamimping-pamimpinna tu Yahudia, angkanaya lanabunoi Isa.


Anjo wattua a'rappungammi imang-imang kapalaya siagang sikamma pinggawana tu Yahudia ri balla' lompona Imang Malompona Kayafas.


Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.


“Batara Kaminang Koasaya, iamintu Allata'alana Israel, amparentakangi sollanna nualle anne ruaya sura', baji' naaslina kammayatompa salinanna, nampa nupantama' ri se'reang uring niposileoka semeng sollanna attahang sallo.


Le'baki anjo nia'mo siapa are pamimpinna anjo bansaya maju mae ri dallekang nampa nakana mae ri sikamma tau niaka a'rappung anjoreng,


Battui mae ri kambe nampa naalle passikko' aya'na Paulus. Napakemi anjo passikko' ayaka ansikkoki lima kalenna siagang bangkeng kalenna nampa nakana, “Iaminne Napaua RohNa Allata'ala: Anne patanna passikko' ayaka lanisikko' kammaminne ri tu Yahudia ri Yerusalem, nampa nipassareang mae ri bansa maraenga.”


Nakana Allata'ala, “He tau, angngalleko se're batu bata, padongkoki ri dallekannu siagang gambaraki rate gambara'na kota Yerusalem.


Nasuroa' Batara a'lampa mange ammalli lipa' bodo battua ri kaeng lenang nampa kupake, mingka takkulleai kutallangngang antama' ri je'neka.


Nakana Batara, “He tau, angngalleko pa'dang tarang nampa nupake untu' ancukkuruki janggo'nu sa'genna la'busu' siagang uu'nu. Nampa nutimbang anjo uu'nu ri timbanganga nampa nubage a'jari tallung bageang.


Swiv nou:

Piblisite


Piblisite