YEREMIA 18:7 - KITTA' MATANGKASA'

⁷ Punna ri se'reang wattu Kupattantui Kupasinta', Kuruntung siagang Kuancuru' se'rea bansa yareka kakaraengang,

YEREMIA 18:7 Referans Kwoze

YEREMIA 1:10

Anne alloa Kusareko koasa mange ri bansa-bansaya siagang sikamma kakaraenganga – iamintu koasa untu' appara'ba siagang anrumbang, untu' apagulung siagang ammanraki, kammayatompa untu' appabangung siagang a'lamung.”

YEREMIA 45:4

He Barukh! INakke, Batara, anruntung siagang ambangungi apa le'baka Kubangung, siagang ambi'buki apa le'baka Kulamung. Sikontu linoa Kupakamma ngasengi anjo.

YUNUS 3:4

Antama'mi Yunus ri anjo kotaya, na le'baki a'jappa siallo bujuru', appakkaramulami akkato'ba nakana, “Patampulo allopi, nalaancuru' Niniwe!”

AMOS 9:8

INakke, Batara Kaminang Tinggia, amparhatikangi anne kakaraenganna Israel dorakaya, siagang laKupa'lanynyaki ke'nanga battu ri buttaya. Mingka jari-jarina Yakub tena nalaKupanraki ngaseng. INakke, Batara, anne akkana.

PA'JARIANG 6:6

Assesse'lalammi lanri Napa'jarina ke'nanga siagang Naboli'na ammantang ri lino. La'ba sikalimi nyawaNa,

YEREMIA 31:28

Kamma riolo Kujagai ke'nanga sollanna sallang Kubi'buki, Kuruntungi siagang Kuancuruki ke'nanga, kamma tomminjo laKujagai ke'nanga sollanna Kubangung siagang Kupakajarre' ke'nanga ammotere'.

YEREMIA 42:10

‘Punna erokko tuli ammantang anrinni ri pa'rasanganga, laKuangkakko, tena nalaKutu'gurangko; laKupaentengko nai', tena nalaKura'bako. Sanna' si'nana nyawaKu lanri Kupabattuna balaya mae ri kau.

YEHEZKIEL 33:14

Nakulle kapang le'ba'mi Kupakainga' tau ja'dalaka angkanaya lamatei ke'nanga. Mingka punna ammari a'gau' dosa, siagang appakkaramulami nagaukang apa bajika siagang annabaya, ebara'na napoterangngangi apa napappita'gallanga taua yareka barang le'baka nalukka', kammayatompa naturuki hukkung-hukkung angngeranga mae ri katallassang, anjo taua tena nalamate.

DANIEL 11:4

Mingka ri coppo' kaporeanna, lareppeki siagang ta'bage-bagei kakaraenganna a'jari appa' bageang. Karaeng-karaeng teai jari-jarina lammarenta ansambeangi, siagang tena nasangkamma ia kagassinganna ke'nanga.

YEREMIA 26:3

Gassingka eroki anjo bansaya appilangngeri nampa ammari a'gau' ja'dala', sa'genna tena Kupanjari erokKu untu' ampitujui cilaka situru' panggaukang ja'dala'na ke'nanga.”

YUNUS 3:10

Nacini'mi Allata'ala panggaukanna ke'nanga; Naciniki angkanaya nabokoimi ke'nanga panggaukang ja'dala'na. Jari Napinrami kaputusanNa, siagang tanjariami Nahukkung ke'nanga.