YEREMIA 18:22 - KITTA' MATANGKASA'

²² Suroi paellaka ti'ring battu ri balla'na ke'nanga, sa'genna ammurici' ke'nanga napakamma malla'. Le'ba'mi ke'nanga angngeke kali'bong sollanna kutu'guru' antama, siagang le'ba'mi ke'nanga attannang sikko' untu' anjakkalakka'.

YEREMIA 18:22 Referans Kwoze

YEREMIA 6:26

Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”

PAMMUJI 140:5

O, Batara, Kijagaia' battu ri koasana tau ja'dalaka, jagaia' battu ri tau anggaukangai katerassanga eroka antu'guranga'.

ZEFANYA 1:16

Tuntunna anjo alloa assa'rai tarompeka siagang pakkio' bunduka battu ri pejuang-pejuang ambundukiai kota-kota niaka pattahanganna siagang menara-menara tinggina.

MATIUS 22:15

Le'baki anjo a'lampami tu Farisia sipa'bicara; eroki ke'nanga a'boya pakkuta'nang sollanna akkulle nakuta'nang Isa nasala pappialinNa.

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

YEREMIA 18:20

Maka siratangi kabajikanga nibalasa' siagang kaja'dallang? Mingka le'ba'mi ke'nanga angngeke kali'bong sollanna kutu'guru' antama. Kiu'rangi angkanaya le'ba'mi ke'nanga kualle-alleang ri dallekanTa, sollanna tena Kilarro mae ri ke'nanga.

YEREMIA 4:31

Allangngereka' sa'ra kunrareng rapang baine eroka ammana'; rapang baine lolo allassukanga ana' bungasa', kammaminjo karru'na Yerusalem siagang sukkara'na a'mai'. Akkaeng-kaengi limanna nakkunrareng, angkana, “Bala kugappa – lanibunoa' ri musua!”

YESAYA 10:30

Ammarrang mako he, pandudu'na Galim! Pilangngeri, he pandudu'na Laisya! Appiali mako pandudu'na Anatot!

PAMMUJI 38:12

A'lili ngasemmi bela-belaku lanri garringku, ba'lalo bija pammanakangku bella ngasemmi ri nakke.

PAMMUJI 119:85

Tau tenaya namannuruki ri hukkunTa, angngekemi kali'bong untu' antannangngia' sikko'.

YEREMIA 5:26

He ummakKu, nia' ri alla'nu tau ja'dala'. Sanrapang tau attayanga sikko' natannang untu' anjakkala' jangang-jangang, kamma tomminjo ke'nanga attannangi sikko' untu' anjakkalaki taua.

YEREMIA 20:16

Boli'mi kamma anjo angngeranga kabara' a'jari sangkamma anjo kota-kota niancuruka tanikamaseang ri Batara. Boli'mi kamma allangngere' tau ammarrang napakamma pa'risi' ri wattu bari'basa', siagang sa'ra ammarrang ri pa'bundukang ri tangngana alloa.

PAMMUJI 140:6

Sanna' tampona ke'nanga a'mere'-mereki antannangngia' sikko', napalaparaki sikkoka untu' anjakkalaka'. Ri siapa la'buna aganga natannang ke'nanga sikkoka untu' anjakkalaka'.

PAMMUJI 142:4

Ri wattu sike'de' mami kutappu' minasa, Kiassengi angkana apa musti kugaukang. Ri oloang mustia kulaloi, a'mere'-mereki musua attannang sikko' untu' inakke.