YEREMIA 18:16 - KITTA' MATANGKASA'

¹⁶ Anne pa'rasanganga napa'jarimi ke'nanga tampa' appakaringi'-ringi', siagang tuli a'jari pa'rasangang nicau-cau. Sikontu tau allaloa ammenggong ngaseng ulunna lanri ringi'-ringi'na.

YEREMIA 18:16 Referans Kwoze

PAMMUJI 22:7

Mingka inakke anne sanrapanja' gallang-gallang, teai rupatau, nicau-cau na nihina ri tau jaia.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 19:8

LaKupabattui bala lompoa ri anne kotaya sa'genna sikamma tau ammaloa anjoreng lata'bangkai siagang lamalla' ngasengi.

MATIUS 27:39

Sikamma tau niaka numalo, massing napammenggong ulunna, nahina-hinaimi Isa.

MIKHA 6:16

Yangasenna anjo kammaya kajariangi lanri nuturukinna panggaukang-panggaukang ja'dala'na Karaeng Omri siagang ana'na, iamintu Karaeng Ahab. Nupinawangi cara-carana ke'nanga. Lanri kammana anjo laKuancuru' ngasengko, siagang lanicau-cauko kammayatompa lanihinako ri sikontu bansaya.”

YEREMIA 50:13

Lanri larroKu, nalaKupa'jari rumbangngang Babel siagang tenamo ampammantangngi. Sikontu allaloa anjoreng lata'bangka ngasengi siagang a'jari mallaki.

YEREMIA 49:13

AssumpA' lanri areng KalengKu angkanaya kota Bozra la'jari tampa' appakamallaki, nibokoia ri taua. Lanikakkali ri taua siagang lanapakei arenna a'jari kana pattunra. Sikontu desaya niaka ri tammulilina la'jari rumbangngang kabusuki sa'genna satunggu-tungguna. INakke, Batara, anne akkana.”

1 KARAENG-KARAENG 9:8

Anne balla' passambayanganga la'jari se're pa'gompoang batu-batu ta'bongkara', sa'genna sikamma tau ammaloa anjoreng lata'bangka ngasengi siagang a'jari sannaki malla'na anciniki. Lanakana ke'nanga, ‘Angngapa Napakammai anne Batara anne pa'rasanganga siagang anne ballaka?’

MARKUS 15:29

Sikamma tau niaka numalo anjoreng napammenggong-menggongi ulunna, siagang nahina-hinai Isa angkana, “He, iKaumi eroka anrumbangi Balla'Na Allata'ala nampa Nupabangung poleang ri makatalluna alloa.

YESAYA 37:22

Nakana Batara, “Lanakakkaliko siagang lanacau-cauko kota Yerusalem, ikau Sanherib!

YEHEZKIEL 12:19

Pabattui mae ri sikontu bansaya apa Kupaua, iNakke Batara Kaminang Tinggia, mae ri pandudu' Yerusalem niaka ija ammantang ri tampa'na ke'nanga. Lannekkereki ke'nanga ri wattunna angnganre siagang annekkereki napakamma malla' ri wattunna angnginung. Buttana ke'nanga la'jari kalotoroki, lanri sikontu tau ammantanga anjoreng tulusu' nadakkaina hukkunga.

YEHEZKIEL 6:14

Iyo, iNakke langngangkaki nai' limangKu nampa Kuancuru' pa'rasanganna ke'nanga, sa'genna a'jari sino dudu, appakkaramula battu ri parang niaka bageang timboro' sa'genna mange ri kota Ribla ri bageang wara'. Battu ri sikontu tampa'-tampa' napammantangngia tu Israel, tena manna se're lanipasalama'. Jari naassemmi sikontu taua angkanaya iNakkemi Batara.”

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

PAMMUJI 44:14

Kipa'jarimi ikambe tunicau-cau ri siampi'-ampi' balla'na ikambe nicau-caumi siagang nikakkalimi ikambe ri ke'nanga.

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

PAOLE 28:59

lappabattui Batara mae ri kau siagang mae ri jari-jarinu sikamma garring tenaya nakkulle niballei kammayatompa garring-garring tenaya nakkulle nipamari.

KAIMANGNGANG 26:43

Mingka anjo buttaya musti nikosongi rolong ri pandudu'na niaka, sollanna akkulle ammari-mari tojeng. Siagang anjo ummakKu musti najappai ngasengi anjo hukkungang Kupabattua mae ri ke'nanga lanri taero'na anturuki paratorang-paratorangKu siagang parenta-parentaKu.

KAIMANGNGANG 26:32

LaKuancuru' tabasikali pa'rasangannu, sa'genna ta'bangka sikali sikamma musu angngalleai pa'rasangannu anciniki antekamma heba'na anjo kapanrakanga.

PAMMUJI 109:25

Sikamma tau ancinikia' nahina ngasemma' napamenggong-menggong ulunna.

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEREMIA 44:12

Siagang punna nia' battu ri tu Yehuda ammantanga tassesa, tuli ero'na a'lampa mange ri Mesir untu' ammantang anjoreng, lapanra' kabusuki ke'nanga. Kabusu'na ke'nanga, lompo ca'di, lamatei ri Mesir lalang pa'bundukang yareka lanri kacipurang. Lamallaki taua anciniki ke'nanga, siagang lanihinai ke'nanga ri taua. Arenna ke'nanga lanipakei a'jari pattunra.

YEREMIA 48:27

Sai riolo le'baki nikakkali Israel ri Moab siagang napareki carita rapang angkanaya le'baki nirapikang ke'nanga siagang ngaseng palukkaka?

YEREMIA 49:17

Nakana Batara, “Bala lantujuai Edom lasanna' heba'na, sa'genna sikamma tau allaloa anjoreng lata'bangkai siagang lamallaki.

PIRAUNG 1:12

“He sikamma tunumaloa ri aganga, ciniki siagang parhatikangi! Maka nia' passessa sangkammaya lompona nulangngereka ri kamma-kammaya anne, passessa Napabattua Batara mae ri nakke, lanri pangngalarroi lompoNa?

YEHEZKIEL 27:36

Ikau lanynyakko sa'genna satunggu-tungguna. Sikamma padangganga ri sikontu linoa a'jari gegereki lanri malla'na ke'nanga langkasia' tongi sare kammaya anjo.”

2 PATTOTTORANG 29:8

Nampa lanri larroNa Batara Nahukkummi tu Yehuda siagang Yerusalem. Na ikau nuasseng kabusu'mi antekamma ta'bangkana kabusu' siagang malla'na kabusu' ke'nanga.

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 51:37

Anne pa'rasanganga la'jari pannambungang loroi, tampa' paccokkoanna kongkong romanga. Mallaki nasa'ring taua anciniki, siagang manna sitau tania' ero' ammantang anjoreng.

YEREMIA 51:43

Kota-kotana a'jari tampa' appakamalla'-mallaki, rapang parang lompo kalotoroka. Tena tau ero' ammantang yareka allalo anjoreng.