YEREMIA 18:13 - KITTA' MATANGKASA'

¹³ Nakana Batara, “Pakkuta'nangngangi mae ri tunggala' bansaya, angkanaya apaka le'baki kajariang passala' kammaya anne? Le'ba'mi nagaukang umma' Israel apa appakaringi'-ringika!

YEREMIA 18:13 Referans Kwoze

YEREMIA 5:30

Nia' kajariang heba' siagang appakamalla' ri anne pa'rasanganga:

HOSEA 6:10

Ri Israel nia' Kucini' apa appakamalla': ummakKu nara'massi kalenna ri anynyombana ke'nanga ri barhalaya.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

YESAYA 66:8

Inai le'ba' allangngereki anjo kammaya? Inai le'ba' anciniki anjo kajariang kammaya? Mingka lassu'mi bansa Israel ri wattunna appisa'ringimo pa'risi' lamana' Sion.

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

1 KORINTUS 5:1

Sikontutojenna battumi mae ri nakke kabara'na angkanaya nia' tau ta'liwa'-liwa' batena a'gau' bawang ri tangnga-tangnganu; nia' tau assalimara' siagang amma' aona. Manna tau kapereka ta'gau' kammayai!

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

YESAYA 36:22

Jari nakekke'mi pakeanna Elyakim, Sebna, siagang Yoah, tanra si'nana pa'mai'na ke'nanga, nampa a'lampa a'laporo' ri karaenga, anjo apa le'baka napau perwira tantarana Asyur.

1 SAMUEL 4:7

a'jari malla'mi ke'nanga. Nakanamo ke'nanga, “Nia' rewata battu ri kemana ke'nanga! Cilaka maki' anne. Tena le'bakapaki' angngalami apa kammaya anne.

YEREMIA 18:14

Tena le'bakai lanynya' bosi a'batua battu ri moncong batuna Libanon. Tena le'bakai je'ne' dinging a'lo'loroka ri pa'monconganga a'jari kalotoro'.

AMOS 5:1

Pilangngeri he umma' Israel! Erokka' ampakkelongangko se're kelong-kelong susa, kammaya anne:

AMOS 5:2

Tu'guru'mi Israel anjo tuloloa ija, talambangungami ammotere'! Irate ri butta kalenna nibalang parekang, tena ambantui ammenteng nai'.