YEREMIA 17:9 - KITTA' MATANGKASA'

⁹ Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

YEREMIA 17:9 Referans Kwoze

MATIUS 15:19

Nasaba' battu lalammi ri atia ammumba pikkirang-pikkirang ja'dalaka, a'jaria saba' nammuno taua, a'gau' salimara', a'gau' bawang, a'lukka', siagang appitina.

KATO'BA 9:3

Jari, sare sangkamma tonji antujui ke'nanga ngaseng. Na anjo passalaka appakasi'nai pa'mai', sangkamma todong sikontu kaja'dallanga ri lino. Lalang tallasa'na rupataua, rassi ka'ja'dallang atinna, siagang pikkiranna rassi todong katoloang. Nampa ti'ring narapi'mo a'jala'na.

PANGNGEBARANG 28:26

Inai manrannuang ri panggappang kalenna, tabajikai akkala'na. Inai ampinawangi ajaranna tau cara'deka lasalamaki.

IBRANI 3:12

Sikamma sari'battangku, tutu laloko, gassingka niakko kalase'rennu sanna' ja'dala'na pa'mai'na siagang tena natappa', sa'genna a'boko siagang napakabella kalenna battu ri Allata'ala assarea katallassang!

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

MATIUS 13:15

Nasaba' tattongko' ngasemmi pikkiranna ke'nanga anne, a'jari tamallangngerai tolinna na tatassungkea matanna. Kajariammi anne, sollanna taccinika matanna tallangngera tolinna, tammahanga pikkiranna, na taeroka ammotere' mae ri Nakke, nampa Kupa'jari baji' ngaseng ke'nanga.’ ”

YEREMIA 16:12

Mingka ikau la'bi ja'dallangngangi pole apa nugaukanga. Kapala batuko siagang ero' kalennu bawang ja'dalaka nuturukiang. Taerokako mannuruki ri Nakke.

PAMMUJI 51:5

Saba' kuakui sikamma kasalangku, tuli kuu'ranginna dosaku.

MARKUS 2:17

Nalangngereki Isa akkuta'nang kamma ke'nanga, appialimi Nakana, “Tau tenaya nagarring, tena naparallu ri dottoro', passangalinna tau garringaji. Teai tau nakanaya kalenna baji' battu Kuboya, passangalinna tau nicini' tunaya.”

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

ROMA 7:11

Nasaba' ilalammi ri anjo hukkung-hukkung agamaya angngalle kasampatang anjo dosaya antipua' siagang ambunoa'.

EFESUS 4:22

Lanri kammana, pela'mi anjo sipa'-sipa' rupatau allalonu, nipanrakia ri kaerokang appa'lingu-lingua.

2 SAMUEL 11:15

Natulisiki lalang sura' angkana, “Suroi Uria maju ri pa'bundukang kaminang ri dallekanga, ri tampa' kaminang sarroa pa'bundukanga, nampa ammundurukko kau natena naassengi sollanna mate lalang bundu'.”

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

YESAYA 1:6

Battu ri cappa' ulunnu sa'genna pala' bangkennu tenamo baji'-baji' ri kalennu. Akkambang-kambang ngaseng kalennu, rassi bate cambo' siagang bokka'-bokka'. Anjo bokka'-bokka'nu tenapa nale'ba' nitangkasi siagang niroko', tena tompa naniballei siagang minynya'.

YESAYA 6:10

Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

PAMMUJI 64:7

A'rancanai ke'nanga kaja'dallang, siagang nakana, “Appareki ikambe rancana sannaka porena”. Sanna' lantanna atinna siagang pa'mai'na rupataua, takkulleai nitappu.

YEREMIA 7:24

Mingka taerokai ke'nanga mappilangngeri siagang taerokai ke'nanga anjampangi. Ba'lalo ero' kalenna tonji ke'nanga naturukiang, iamintu ero' kapala batuna siagang ero' kaja'dallanna anjo. Tena na'jari baji' ke'nanga passangalinna a'jari ja'dalaki.