YEREMIA 17:14 - KITTA' MATANGKASA'

¹⁴ Batara, Kipammollea', nakua'jari akkamale. Pasalamakka', nakuakkulle salama'. IKatteji bawang Kupakala'biri'!

YEREMIA 17:14 Referans Kwoze

PAMMUJI 6:2

O, Batara, teaKi' kapallakkia' lalang pangngalarroinTa, teaKi' hukkungia' lalang kalussakkangku.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

PAMMUJI 106:47

Kipasalamaki ikambe, o Karaeng Allata'alana ikambe, Kipa'rappungi ikambe battu ri alla'na bansa-bansaya, sollanna akkulle ikambe appala' sukkuru' siagang mammuji ri areng matangkasatTa.

LUKAS 4:18

“Niaki RohNa Batara ri KalengKu, Nasaba' le'ba'Ma' Nalanti' untu' ambirittakangi Kabara' Bajika mae ri tu kasi-asia. NasuroA' battu untu' ampa'la'bangi biritta kalappassanna tu nitarungkua siagang lamaccini'na tu butaya; untu' allappassangi tu nijallakkanga

PAOLE 10:21

Mammujiko mae ri Ia, nasaba' Iami Allata'alanu. Mata kalennumi le'ba' anciniki sikamma gau' malompo siagang gau' heba' Nagaukanga untu' ikau ngaseng.

PAMMUJI 109:1

Untu' pamimping pakelong. Pammujina Daud. O, Allata'ala, tulusu' kupujia, teaKi' a'mereki.

PAMMUJI 6:4

Tamaka linguna atingku; sa'ge kerea' wattu laKibokoi, o Batara?

YEREMIA 15:20

LaKupa'jariko rapang tembo' tampa' pattahangngang nipareka battu ri tambaga mae ri ke'nanga. Lanabundukiko ke'nanga, mingka tanakulleai ke'nanga ambetako. INakke lanrurungangko untu' anla'langngiko siagang ampasalamakko.

MATIUS 14:30

Mingka nacini'na Petrus bombang lompoa ri tamparanga, nabattuimi malla'. Appakkaramulami tallang. Ammarrang lompomi nakana, “O Batara, Kiallea'!”

YEREMIA 31:18

Kulangngereki umma' Israel a'bicara lalang kapacceang, angkana, ‘O Batara, ikambe rapammi olo'-olo' tenayapa nipa'jari annabai mingka Kilati ummatTa untu' mannuruki, na kamma-kamma anne sadiami ikambe untu' ammotere' mae ri Katte. Jari, erammi ikambe ammotere', o Batara, Allata'alana ikambe.

YESAYA 6:10

Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

MATIUS 8:25

Battumi ana'-ana' gurunNa akkiok-kio' anronrongi nakana, “Bapa', natujuki' bala, tulungi ana'-anatTa!”

PAMMUJI 148:14

Le'ba'mi Napakajarre' bansana, sa'genna nipuji-pujimo ri umma'Na, Israel, umma' nasayanNa. Pujimi Batara!

PAMMUJI 60:5

Kibalang parekangi ummatTa angkasiaki pa'risi' lompoa; ta'royong-royongi ikambe sanrapang tau nasa'ring.

PAMMUJI 12:4

Kipammarimi anjo kana-kana manynyonyo'na ke'nanga, o, Batara, Kitongkoki bawana tu lompo bawaya

PAMMILANGNGANG 12:13

Jari ammarrammi Musa mae ri Batara, angkana, “O, Allata'ala, kupalaki, sollanna Kipammollei ammotere' battu ri garrinna!”

PAMMUJI 54:1

Untu' pamimping pakelong. Nirurungang ri kacapi. Kelong pangngajara'na Daud,

YEREMIA 3:23

Tena matu-matunna ikambe assua'-suara' anynyomba barhala irate ri coppo'-coppo' buluka. Battu ri Karaeng Allata'alana bawang ikambe pannulunna umma' Israel.

YEREMIA 30:17

Manna pole nakana musunnu, ‘Sion le'ba'mi nipela', siagang taenamo amparhatikangi,’ mingka laKupa'jari bajikko ammotere', siagang laKuballei bokka'-bokka'nu.”

YEREMIA 33:6

Mingka sallang laKupakabajiki ammotere' anne kotaya siagang pandudu'na; lakassaki ammotere' ke'nanga. LaKusarei ke'nanga kasalewangang siagang kaamangngang alla'bia.

PAMMUJI 6:3

Kikamaseanga', o Batara, lanri tenamo kagassingangku, Kipakajarreka' lanri dodongku.

PAMMUJI 119:94

Kipasalama' laloa', saba' inakke anne iKatte ampatanga', le'ba'mi kuusahai mannuruki ri kaputusanTa.