YEREMIA 17:11 - KITTA' MATANGKASA'

¹¹ Rapang jangang-jangang anggoppoki bayao teai bayaona, kammaminjo tau jekkonga anggappa pa'barang-barangngang. Ri attangnga umuru'na latappela' ngasengi barang-baranna. Ri kala'busang tallasa'na a'butti angkana ia tau dongo' sikali.

YEREMIA 17:11 Referans Kwoze

PANGNGEBARANG 28:20

Tau lambusuka laNibarakkaki ri Batara, mingka tau eroka linta' kalumanynyang, takkulleai naliliang hukkunganga.

PANGNGEBARANG 21:6

Kakalumanynyangngang nigappaya siagang tena lambusu' lintaki tappela' siagang naerangi taua mae ri kuburuka.

YEREMIA 22:17

Mingka ikau, Yoyakim, maraengi. Ikau kaparalluang kalennu bawang nuboya. Nubunoi tau tenaya salana, siagang nujallakkangi ra'yaka nukapallakki.

YEREMIA 22:13

Cilakai tau ambangungai balla'na siagang tena naadele', kammayatompa ampa'la'bangi kajekkonganna. Cilakai tau assuroa anjama nampa tena nasarei gajina taua.

PANGNGEBARANG 28:8

Inai a'jari kalumanynyang lanri appamanaki doe' siagang angngalle passawallang ta'liwa'-liwa', latu'guruki anjo barang-baranna mae ri tau mangngamaseanga ri tu kasi-asia.

PANGNGEBARANG 15:27

Inai a'boya passawallang tenaya nahallala', napanraki kaluarga kalenna. Inai angkabirisi doe' pammuccuka, lamate'nei.

2 PETRUS 2:14

Nasaba' tenamo lanrena ke'nanga a'gau' dosa, sa'genna ia mami pangngainna ke'nanga iamintu ancinikia tojengi baine pagau' bawanga. Na nanyonyo'mo tau beru tappaka siagang tau tenaya najarre' tappa'na. Le'ba' a'jari biasami atinna ke'nanga ri kangoanga. Anjo ke'nanga sangnging tau langgappa pangngalarroi!

TITUS 1:11

Anjo tau kammaya musti nijempangi bawana, nasaba' jaimi kaluarga napakalingu ke'nanga lanri pangngajarang tenana matu-matunna ke'nanga. Nanagaukang ke'nanga anjo kammaya iaji kalanri ero'na ke'nanga anggappa passawallang takamma-kamma!

ZEFANYA 1:9

LaKuhukkungi sikontu tau anggaukangai ibadaya sangkamma tau tenaya natappa' mae ri Nakke, siagang tau a'lukkaka kammayatompa tau ammunoa untu' ampirassi balla'na pinggawana ke'nanga siagang barang-barang nirampasa'.”

PANGNGEBARANG 28:22

Tau angngoaya eroki linta' kalumanynyang; tanaassengai kalenna angkana tasalloai nakakasi-asiang antujui.

PANGNGEBARANG 13:11

Kakalumanynyangngang lomo dudua gappanna, linta' tongi kurang; mingka barang-barang nipa'du'duka tassike'de'-tassike'de' lapila' katambangi.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

1 TIMOTIUS 6:9

Mingka inai-nai ero' a'jari kalumanynyang, nigodami siagang nijarro'mi ri a'rupa-rupa kacinnang dongoka siagang ammanrakia. Iaminjo sikammaya kacinnanna ke'nanga ampa'jari ancuruki siagang ampa'jari cilakai ke'nanga.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

ZAKHARIA 5:4

Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

MIKHA 2:9

Tubai'-bainea ri ummakKu nubongkai battu ri balla' nakarimangngia, siagang nurampasaki sa'genna satunggu-tungguna barakka' Kupassareanga mae ri ana'-ana'na ke'nanga.

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

PANGNGEBARANG 28:16

Tukoasa anjallakkangai tau maraenga, tena akkala' baji'na; tukoasa birisika ri kajekkonganga lattaung taungi ammarenta.

PANGNGEBARANG 23:5

Saba', lalang sipakkida mataji nakkulle lanynya' barang-barannu, sanrapang akka'nyiki nanri'ba' nai' ri allaka sangkamma jangang-jangang rajawali.

PAMMUJI 49:13

Takkulleai rupataua tulusu' lattallasa' assannang-sannang; sanrapang olo'-olo', laposso' tongi.

YEREMIA 6:13

Yangasenna ke'nanga, ca'di lompo, massing kaparalluang kalenna naboya lalang panggaukang tenaya nalambusu'. Ba'lalo manna na'bia siagang imanga annipu tongi tau.

YEREMIA 8:10

Lanri kammana anjo, laKupassareangi kokonna ke'nanga mae ri tau maraenga, kammayatompa bainenna ke'nanga lanipassareang tongi mae ri tau maraenga. Yangasenna ke'nanga, ca'di lompo, massing kaparalluang kalenna naboya, iamintu cara-cara tenaya nalambusu' napake. Ba'lalo manna na'bia siagang imanga annipu tongi tau.

AYUB 20:21

Punna angnganrei napa'la'busu' ngasengi sikamma niaka lanri kammana anjo tenamo nattahang kala'bianna.