YEREMIA 16:5 - KITTA' MATANGKASA'

⁵ Teako a'lampai mae ri balla'na tau natabaya susa, Yeremia. Teako susai lanri manna pole inai. Tenamo nalaKubarakkaki pole ummakKu siagang kasalewangang, kammayatompa tenamo nalaKupappicinikang pangngaiKu siagang pangngamaseangKu mae ri ke'nanga.

YEREMIA 16:5 Referans Kwoze

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

PAOLE 31:17

Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

PAPPICINI' 6:4

Nampa nia'mo pole jarang maraeng assulu'. Anjo jaranga ejai tanja'na. Pabaena anjo jaranga nisarei koasa ampattaenai passiamakkanga ri lino, sollanna massing sibuno-buno rupataua. Jari nisaremi se're pa'dang lompo.

ZAKHARIA 8:10

Rioloangannaya anjo jammanga tena akkulle ansewai kitta' magassinna rupataua yareka olo'-oloka, siagang tena tau amang pakkasia'na battu ri gangguanna musua. Le'ba'mi Kupasisala-sala se'reang tau siagang maraengannaya.

PAMMUJI 25:6

Kiu'rangi kabajikanTa siagang pangngamaseanTa, o, Batara, le'baka Kipappicinikang battu riolo.

YEREMIA 12:12

Battu ba'leang ri parang lompoa ri pa'monconganga, battu taua angngellaki. Kupabattui pa'bundukanga untu' ampanraki sikontu pa'rasanganga, sa'genna tenamo manna sitau akkulle attallasa' amang.

YEREMIA 13:14

Nampa laKupasiruppa ke'nanga massing para ia. Tau toa siagang tau rungka laKupakamma ngaseng nampa tena nalanipammopporang. LaKupanraki ke'nanga, tena Kupassayangi yareka tena naKukamaseangi. INakke, Batara, anne akkana.”

YEREMIA 16:13

LaKubongkako assulu' battu ri anne pa'rasanganga nampa Kupelakko mange ri se'reang pa'rasangang tena sikalia nuassengi siagang boe-boenu. Anjorengko lassambayang allo bangngi mae rewata-rewata maraenga, siagang tena Kulamangngamaseang mae ri kau.’ ”

PIRAUNG 3:17

Salloma' tena nakukasiaki tallasa' mate'nea; kukaluppaimi antekamma kasia'na nikanaya salewangang.