YEREMIA 15:18 - KITTA' MATANGKASA'

¹⁸ Angngapa kutulusu' sessa mamo? Angngapa nasanna' lokokku siagang tena le'bakai ammolle? Maka erokKi' ampakala'bai pa'maikku rapang binanga a'jari kalotoroka ri wattu timoro'?”

YEREMIA 15:18 Referans Kwoze

YEREMIA 30:15

Tea' mako akkunrarengi pole ri passala'na bokka'-bokka'nu, nasaba' tena panrannuang ri kau untu' lakkulle ammolle. Kuhukkung kammako anjo lanri jaina dosanu siagang lompona kasalannu.

AYUB 34:6

Napakkanaia' a'balle-balle, lanri kukanana tena kudoraka. Kamma-kamma anne loko' lompoa', manna tena kusala.’

MIKHA 1:9

Nasaba' bokka'-bokka'na Samaria takkulleai niballei, siagang Yehuda lanituju tongi ri sare kammaya anjo. Battumi balaya mae ri Yerusalem, pakke'bu' lompona butta passolongang cera'na bansaku.

YEREMIA 30:12

Nakana Batara ri umma'Na: “Garrinnu teai sipato' sanna'na, untu' loko'nu tena pa'ballena.

YEREMIA 20:7

Batara, iKatte anynyonyokka' siagang inakke le'ba'ma' ninyonyo'. IKatte la'bi gassingKi' nainakke siagang le'ba'ma Kipadundu. Nicau-caua' ri tunggala' taua, nihina battu ri bari'basa' sa'genna karueng.

YEREMIA 14:19

Batara, maka Kisorongboko taba sikalimi Yehuda na Kikabirisi pandudu'na Sion? Angngapa nasarring kamma pannunrunTa ri kambe sa'genna takkulleamo ammolle ammotere' ikambe? Tena matu-matunna ikambe a'boya kaamangngang, tena bua'-bua'na a'boya pammolleang, nasaba' katerassang bawang nia'.

YEREMIA 14:3

Sikamma palayanna tau kalumanynyanga nisuroi a'boya je'ne' ri kere-keremae; a'lampai ke'nanga mange ri sikamma bungunga mingka la'busu' ngasemmi je'neka. Tena bonena bongkia naeranga ke'nanga ammotere'. Lussa'mi natappu' minasa ke'nanga siri'-siriki ke'nanga na natongko' rupanna.

PAMMUJI 6:3

Kikamaseanga', o Batara, lanri tenamo kagassingangku, Kipakajarreka' lanri dodongku.

MIKHA 1:14

Kamma-kamma anne, he tu Yehuda, latappela'mi battu ri kau kota Moresyet-Gat. Sikamma karaeng-karaeng Israel tenamo nalanggappa bantuang battu ri kota Akhzib.

AYUB 14:11

Sanrapang je'ne' a'rumbu battu lalang ri kollanga, sanrapang binanga naunga je'ne'na sa'genna la'busu',

YEREMIA 20:18

Angngapa kumusti nilassukang? Poro untu' pa'risi' siagang kasukkarang? Siagang sollanna allalo tallasakku lalang siri'-siri' bawang?