YEREMIA 14:9 - KITTA' MATANGKASA'

⁹ Angngapa Kisangkamma tau lingu; rapang tubarani tenaya nakkulle annulung? Mingka, mattantu niakKi' ri tangnga-tangngana ikambe, o Batara! Ikambe ummatTa, teaKi' bokoi!’ ”

YEREMIA 14:9 Referans Kwoze

YESAYA 63:19

IKatte ampa'jari ikambe rapang tena le'bakaKi' makoasa mae ri kambe; rapang tena le'bakai ikambe a'jari ummatTa.

YESAYA 59:1

Teako kapangngi angkana lamma dudui Batara untu' ampasalamakko, yareka tongolo' dudui untu' ampilangngeri pakkio'nu.

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

PAMMUJI 46:5

Nia' lo'lorang je'ne' binanga ampakarannui KotaNa Allata'ala, tampa' pammantanganNa Allata'ala Kaminang Tinggia.

PAMMILANGNGANG 11:23

Appialimi Batara angkana, “Apaka nukana nia' sanggana kakoasangKu? Lanuciniki angkanaya anjo apa Kupaua ma'nassa lakajariang tojengi yareka tena!”

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

YEREMIA 8:19

Pilangngeri! Rassi sikontu pa'rasanganga piraunna bansaku akkuta'nang angkana, “Tenakami Batara ri Sion? Kemae karaenna kamma-kamma anne?” Appiali Batara, Karaenna ke'nanga, angkana, “Angngapa nusu'ju' ri rewata-rewataya ia tena sikalia matu-matunna? Angngapa nupa'risi nyawaKu lanri anynyombanu ri barhala-barhalaya?”

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

PAMMUJI 27:9

teaKi' accokkoi battu ri nakke.” TeaKi' larroi siagang teaKi' tollaki atanTa, saba' iKattemi le'ba' antulunga'. TeaKi' pelakkia' yareka teaKi' bokoia', o, Allata'ala, Tumappasalamakku.

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.

PAOLE 23:14

Karaeng Allata'alanu anrurungangko lalang ri pakkemaanga untu' alla'langngiko siagang untu' assareko pammetang mae ri musu-musunnu. Jari, jagai sollanna tuli matangkasa' pakkemaannu. Teako nia' apa-apa tenaya nasiratang ri alla'nu, sollanna tena Nabokoiko Batara.”

LAMPA-LAMPANA 15:17

sollanna sikamma anjo tau niaka tassesa naboyai Batara, assama-samai bansa maraenga, Kukioka a'jari ummakKu.’ Kammaminjo kananNa Batara,

YEHEZKIEL 48:35

Sikontu anjo temboka la'buna 9 kilometere'. Na appakkaramula anjo wattua anjo kotaya naaremmi taua: “BATARA NIAKI ANJORENG!”

HABAKUK 1:2

O Batara, sa'ge siapapi salloku musti akkio' appala' tulung mae ri Katte? Angngapapi nampa laKipilangngeri siagang Kipasalama' ikambe battu ri tau anjallakkanga?

PAOLE 28:10

Jari sikontu bansaya ri anne linoa lanaciniki angkanaya ikaumi bansa Napilea Batara, siagang langngali'mi ke'nanga mae ri kau.

2 PATTOTTORANG 7:14

nampa napake arengKu anjo UmmakKu ampakatunai kalenna, siagang appala' doang kammayatompa battui mae ri Nakke na nabokoi panggaukang ja'dala'na ke'nanga, laKupilangngeri battu ri suruga pappala' doanna ke'nanga. LaKupammopporangi dosa-dosana ke'nanga siagang Kupa'jari coppongi pa'rasanganna ke'nanga ammotere'.

PAMMUJI 10:1

Angngapa Kibella, o, Batara na Kiaccokko ri wattu kasukkarrang ikambe?

YESAYA 43:7

Saba' nikio' ngasemmi ke'nanga lalang arengKu, Kupa'jari ke'nanga untu' ampakala'birikKa'.”

YEREMIA 51:5

INakke, Batara, iamintu Allata'ala Kaminang Koasaya, Allata'ala Matangkasa'na Israel, tena nalaKubokoi Israel siagang Yehuda, manna pole nadorakamo ke'nanga ri Nakke.

PIRAUNG 5:20

Angngapa Kisallo kamma ambokoi ikambe? Maka tuli latakkaluppa maKi' mae ri kambe?

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.