YEREMIA 14:22 - KITTA' MATANGKASA'

²² Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YEREMIA 14:22 Referans Kwoze

YO"EL 2:23

He ra'ya' Sion, rannu mako! Ma'reja-rejako nu ma'rannu-rannu! Lanri sikontu kabajikang battua ri Karaeng Allata'alanu. Ri wattu timoroka Napaturungangko bosi siganna'na. Ri wattu baraka Napaturungi bosia, kammayatompa ri wattu a'rappona rappo-rappoanga kamma riolo.

YEREMIA 5:24

Tena le'bakako angngu'rangi untu' ampakalompoA', padahala' iNakke appabattu bosi, baji' naripakaramulanna kammayatompa narikala'busanna baraka. INakke todong assareko wattu pakkattoang tunggala' taung.

PAMMUJI 135:7

Battu ri cappa'na buttaya appabattui rammang, appareki kila' untu' bosi. Nampa Naparenta anginga sollanna assulu' battu ri tampa' pammolikanNa.

YESAYA 30:23

Punna appakiorokko bine, laNapaturungi Batara bosia sollanna attimbo anjo binea siagang angngerang wassele' kattoang alla'bi-la'bia. Untu' olo'-olo' piaranu lasadiai parang ruku' luaraka.

PAOLE 32:21

Patung nasombaya ke'nanga a'jari saba' naKularro siagang akkimburuA' mae ri apa naarenga ke'nanga rewata. Kupanaiki larrona ummakKu ri bansa maraenga, sollanna akkimburu mae ri tau dongo'-dongoka.

YEREMIA 51:16

Poro assareji bawang parenta, nammarrummo je'neka battu ri passimbanga. Battu ri cappa'na buttaya Napabattui rammanga, nampa Napare' kila' tassioroka lalang ri bosia, na Napabattu anginga battu ri pammolikanna.

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YEREMIA 10:15

Anjo barhala-barhalaya tena anggaranna, siratangi nicau-cau siagang nihina. Punna narapiki sallang wattunna lapanraki ke'nanga.

YESAYA 41:29

Tojeng, anjo rewata-rewataya tena matu-matunna, patung nipare'ji ke'nanga, tenaya kullena, tenaya nakkulle appare' apa-apa.”

PAMMUJI 130:5

Kutayangi bantuanNa Batara, janjinNa kurannuangi.

PAMMUJI 25:21

Poro nirurungang laloa' ri kabajikang siagang kalambusang, saba' manrannuanga' mae ri Katte.

1 KARAENG-KARAENG 17:14

Nasaba' Batara, Allata'ala Nasombaya Israel, angkanai anjo mangkoka tuli lania'na labu' lalang, siagang anjo botoloka tuli lania'na minynya' bonena sa'genna Napabattu Batara bosia ri linoa.”

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

PAOLE 28:12

Lappaturungi bosi Batara punna narapi' wattunna battu ri pammolikang alla'biNa ri langika. LaNabarakkaki sikontu usahanu, sa'genna akkulleko assarei angnginrang jaia bansa, mingka tena nuparallu angnginrang manna pole battu ri nai.

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

AMOS 4:7

INakke ampisangkai turung bosia ri wattu paralluna ri je'ne' lamung-lamunnu. INakke appaturung bosi mae ri kota se'rea siagang tena ri kota maraenga. Koko se'rea anggappai bosi, nampa koko maraenga kalotoroki.

YEREMIA 10:13

Poro assareji bawang parenta, nammarummo je'neka battu ri passimbanga. Battu ri cappa'-cappa'na buttaya Napabattu rammanga, na Napare' kila' tassioroka lalang ri bosia, kammayatompa Nakiring anginga battu ri pammolikanNa.

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

PAMMUJI 147:8

Iami ampaka'rangi rammanga' ri langi'; Ia ampasadiai bosia mae ri buttaya, siagang ampatimboi rukuka ri buluka.

PAMMUJI 27:14

Manrannuangko mae ri Batara, gassingi siagang pakajarreki pa'mai'nu; manrannuangko mae ri Batara!

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

AYUB 5:10

Appaturungi bosi ri buttaya, sa'genna nabasai kokoa siagang paranga.

1 KARAENG-KARAENG 18:1

Le'baki siapa are wattu sallona, ri makatallun taung ri anjo wattu timoroka, Nakanamo Batara ri Elia, “A'lampako mange andallekang ri Karaeng Ahab, tasalloami nalaKupaturung bosia.”

1 KARAENG-KARAENG 8:36

poro Kipilangngeri ke'nanga battu ri suruga. Siagang pammopporangi dosana ummatTa Israel kammayatompa karaenna ke'nanga. Ajaraki ke'nanga anggaukangi apa tojenga. Le'baki anjo, o Batara, paturummi bosia ri anne pa'rasanganTa, pa'rasangang Kipassareanga mae ri ummatTa untu' nakammai sa'genna satunggu-tungguna.

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

YEREMIA 5:12

Umma'Na Batara teai kana tojenga napau ri passala'na Batara. Nakana ke'nanga, “Ah, tena Nalappanggaukang apa-apa. Tena nalanatujuki' bala siagang tena todong nalanikasia' bunduka siagang kacipuranga.

YEREMIA 10:3

Ada' kabiasanna anjo bansa-bansaya tena sikali matu-matunna. Nata'bangi ke'nanga poko'-poko' kayua ri romanga, siagang nasuroi tukang kayua anjamai a'jari patung barhala.

HOSEA 2:7

Lanaondangi sikamma tanring-tanrinna, mingka tena nalata'rapi' mae ri ke'nanga. Lanaboyai ke'nanga, mingka talanabuntulai ke'nanga. Nampa lanakanamo, ‘Erokka' ammotere' mange ri bura'ne rioloku; riolo la'bi bajikangngangi katallassangku nakamma-kammaya anne.’

AYUB 28:26

ri wattunna Napattantu tampa'na bosia turung, siagang oloang naoloa kilaka siagang gunturuka;

YEREMIA 10:12

Napa'jari Batara buttaya lanri koasaNa, Napareki linoa lanri kacara'dekanNa na Naka'rang langika lanri akkala' poreNa.

MIKHA 5:6

Tu Israel niaka ija tassesa la'jari rapang saliu' dinging battu ri Batara untu' jaia bansa, siagang rapang turunna bosia mae ri lamung-lamunga. Latanjengi ke'nanga mae ri Allata'ala, teai mae ri rupataua.