YEREMIA 14:21 - KITTA' MATANGKASA'

²¹ Kiu'rangi janjinTa, teaKi' pakatunai ikambe; teaKi' kaluppai janjinTa siagang ikambe. Yerusalem tampa' empoang kala'biranTa, teaKi' pakatunai.

YEREMIA 14:21 Referans Kwoze

YEREMIA 14:7

Akkioki ummakKu angkana, ‘Batara manna pole naniutung ikambe ri dosana mingka Kitulungi ikambe situru' janjinTa. A'mole-mole maKi' nibokoi ri kambe; tojeng, dorakami ikambe ri Katte.

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

YEREMIA 3:17

Anjo wattua kota Yerusalem laniarengi ‘Empoang Kala'biranNa Batara’, siagang sikontu bansaya la'rappungi ri anjo kotaya untu' anynyomba ri Nakke. Tenamo nalanaturuki ero' kalenna ke'nanga ja'dalaka siagang kapala batua anjo.

YEREMIA 17:12

Balla'Na Batara rapangi empoang karaeng kala'birang, ri moncong tinggia battu riolo.

PAPPICINI' 11:2

Mingka teako ukkuruki paranglakkeng pantaranganna anjo Balla'Na Allata'ala, nasaba' anjo bageanga le'ba'mi nipassareang mae ri tau tenaya natappa' mae ri Batara. Lanaonjo'-onjokangi ke'nanga anjo kota matangkasaka patampulo anrua bulang sallona.

EFESUS 2:7

Kammami anjo Nagaukang Allata'ala, sollanna akkulle nacini' rupataua ri jammang labattua, antekamma lompona kabajikang pa'mai'Na Napappicinikanga lalang ri Isa Almasi.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

DANIEL 9:7

O Batara, tindakanTa tuli annabai siagang adeleki, mingka ikambe tonji tuli ampakasiriki kalenna ikambe, iamintu ikambe ngaseng ammantanga ri Yudea siagang ri Yerusalem, siagang sikontu julu bansana ikambe le'baka Kipasiara' mange ri pa'rasangang-pa'rasangang bellaya siagang ambania, lanri tenana namajarre' tappa'na mae ri Katte.

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

YEHEZKIEL 39:25

Nakana Batara Kaminang Tinggia, “Mingka kamma-kamma anne laKukamaseangi umma' Israel jari-jarina Yakub, siagang Kupa'jari kalumanynyang poleangi ke'nanga. Lanri kammana anjo Kujagaimi arengKu sollanna tuli nipakalompo.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

PIRAUNG 2:20

O Batara, ciniki na Kiparhatikang anjo ke'nanga tau Kisessaya! Maka nia' kammaya anjo le'ba' Kigaukang? Anrong angkanrei ana' kalenna nangaia, imanga siagang na'bia nibunoi lalang ri BallatTa matangkasaka.

PIRAUNG 1:10

Sikontu barang-baranna niallemi ri musu-musunna. Ba'lalo musti nacini'mi ke'nanga antama ri Balla'Na Allata'ala, panggaukang tenaya Nikellai ri Batara punna teai umma'Na.

YEREMIA 14:19

Batara, maka Kisorongboko taba sikalimi Yehuda na Kikabirisi pandudu'na Sion? Angngapa nasarring kamma pannunrunTa ri kambe sa'genna takkulleamo ammolle ammotere' ikambe? Tena matu-matunna ikambe a'boya kaamangngang, tena bua'-bua'na a'boya pammolleang, nasaba' katerassang bawang nia'.

PAMMUJI 106:40

Nampa a'rinramo larroNa Batara mae ri ke'nanga, ero'mi ta'langnge Nasa'ring lanri umma'Na tonji.

PAMMUJI 51:11

Kialleimi rupanTa battu ri dosa-dosaku, siagang lu'lu'mi sikontu kasalangku.

PAOLE 32:19

Nacini'na gau'-gau'na ana'-ana'Na larromi Batara nampa Natolla' ke'nanga.

KAIMANGNGANG 26:11

NiakKa' lammantang ri alla'nu lalang ri KemaKu, siagang tena nalaKutollakko.

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.

PAMMUJI 25:11

O, Batara, Kipammopporanga' situru' janjinTa, saba' lompoi kasalangku.

PAMMUJI 145:11

Lanapakalompoi kakoasanTa a'jari Karaeng, siagang nacarita kaporeanTa,

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.

YEHEZKIEL 20:22

Mingka tena naKugaukangi sollanna tena nanihinai arengKu ri bansa-bansa ancinikai ke'nanga bansa Israel Kuerang assulu' battu ri Mesir.