YEREMIA 14:15 - KITTA' MATANGKASA'

¹⁵ Napaui lalang arengKu ke'nanga angkanaya anne pa'rasanganga tena nalanituju ri pa'bundukang yareka kacipurang, padahala' tena naKusuroi ke'nanga akkana kamma anjo. INakke, Batara, Kupauangko, Yeremia, apa laKugaukanga mae ri anjo na'bi-na'bi tenaya naKusuroi. LaKubunoi ke'nanga lanri pa'bundukang siagang kacipurang.

YEREMIA 14:15 Referans Kwoze

YEHEZKIEL 14:10

Baji' naanjo na'bia kammayatompa tau appalaka pappitangara'na langgappai hukkungang sangkamma.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

YEREMIA 20:6

Siagang ikau, Pasyhur, siagang sikontu kaluarganu lanijakkala' tongko nampa niengkakko mange ri Babel. Anjorengko lamate siagang nitarawang; kammayatompa sikontu agannu le'baka allangngereki sikamma balle-ballenu.’ ”

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

1 KARAENG-KARAENG 22:25

Appialimi Mikha angkana, “Sinampe' nuciniki buttina, ri wattunnu antama' ri se'reang kamara' untu' accokko.”

YEREMIA 23:30

LaKuewai na'bi-na'bi appabattua pasang battu ri aganna tonji, nampa nakana anjo pasanga pasang battu ri Nakke.

YEREMIA 27:15

Nakana kalenna ke'nanga a'bicarai lalang arenNa Batara, mingka a'balle-ballei ke'nanga. KalenNa Batara angkana tena naNasuroi ke'nanga. Lanri kammana lanipasisa'la'-sa'lakki siagang nipanrakiki' karaeng siagang ngaseng anjo na'bi-na'bi a'balle-ballea mae ri katte.”

PIRAUNG 1:19

Makkioka' ri bela-bela bajikku mingka ma'bali' ballangi ke'nanga ri nakke. Sikamma imanga na pamimping bansaya mate kabusu'mi ri agang-agang niaka ri kotaya, ri wattu a'boyana kanre untu' katallassanna.

PIRAUNG 2:20

O Batara, ciniki na Kiparhatikang anjo ke'nanga tau Kisessaya! Maka nia' kammaya anjo le'ba' Kigaukang? Anrong angkanrei ana' kalenna nangaia, imanga siagang na'bia nibunoi lalang ri BallatTa matangkasaka.

YEHEZKIEL 13:14

Kuancu'-ancuruki sa'genna pundasina mami ammantang. Anjo temboka lanatujuko siagang lanabuno kabusukko. Na nuassemmo angkana iNakke Batara.

YEHEZKIEL 14:9

Punna nia' sitau na'bi nitipu sa'genna assare piali sala, iNakkemi antipui. INakke, Batara Kaminang Tinggia lampakabellai battu ri tu Israel.

MIKHA 3:5

Bansaku nitipui ri na'bi-na'bi ambotoai apa bajika mae ri tau assarea doe', mingka namusui siagang nabalang parekangi tau tenaya nassare doe'. Ri na'bi-na'bi kammaya anjo, Nakana Batara,

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’

YEREMIA 8:13

Ero' duduA' ampasse'rei ummakKu rapang tau ampasse'reai wassele' buttana. Mingka, ummakKu rapangi poko' anggoro' siagang poko' ara tenaya rapponna, ba'lalo manna leko'na kalumeng ngasemmi. Iaminjo saba'na naKukellaimo bansa maraenga battu siagang nakoasai pa'rasanganna ke'nanga. INakke, Batara, anne akkana.”

YEHEZKIEL 13:9

INakke langhukkungko, he na'bi-na'bi appabattua boto balle-balle siagang paccini' takontutojenga! Takkullea mako amminawang angngalle kaputusang lalang ri pa'rappunganna ummakKu. Lanigarisiki areng-arennu battu ri bansa Israel, siagang tenamo nulammotere' mange ri butta passolongang cera'nu. Na nuassemmo angkana iNakke Batara Kaminang Tinggia.

YEHEZKIEL 13:15

Anjo temboka siagang ikau ngaseng le'baka ampa'leoki, lanupisa'ringi antekamma heba'na pangngalarroingKu. Nampa laKupau mae ri kau angkanaya anjo temboka lanynya'mi, sangkamma siagang ikau le'baka ampa'leoki,

YEHEZKIEL 33:6

Mingka punna accini' nia' battu musu anjo pajagaya nampa tena nappasa'ra tanra bahaya, nampa battu musua ambunoi anjo tau dorakaya, tanggong jawa'na kamateanna anjo taua laKutuntuki battu ri ia.