YEREMIA 14:14 - KITTA' MATANGKASA'

¹⁴ Mingka appialimi Batara angkana, “Anjo na'bi-na'bia kabara' balle-balle naerang na nabalukang arengKu; tena naKusuroi ke'nanga, siagang tena todong Kuparentakangi ke'nanga yareka a'bicara mae ri ke'nanga. Anjo sikamma paccini' nacaritaya ke'nanga teai battu ri Nakke; nabotoi ke'nanga apa-apa tenaya matu-matunna siagang napare'-pare' kalennai ke'nanga.

YEREMIA 14:14 Referans Kwoze

YEHEZKIEL 12:24

Ri Israel tenamo pacini' yareka paboto balle-balle;

YEREMIA 29:31

akkiring kabara' ri passala'na Semaya mae ri sikontu Israel nipelaka ri Babel. Iaminne anjo kabaraka, “Anjo Semaya a'bicarai mae ri kau sanrapang angkanaya na'bi kalenna; padahala' iNakke, Batara, tena naKusuroi. Lanri napa'jari tappa' mako mae ri kana balle-ballea,

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YEHEZKIEL 21:29

Anjo paccini' nucinika iamintu paccini' balle-balle, siagang anjo boto nupaua boto balle-balle todong. Ja'dalakko siagang dorakako, nampa wattu hukkungang kala'busannu a'reppese'mi. Anjo pa'danga lanapolongi kallonnu.

1 TIMOTIUS 4:2

napabattua tau munapeka siagang tau paballe-ballea. A'jari sassammi ati mailalanna anjo tau kammaya.

ZAKHARIA 13:3

Na punna nia' ija tau nakana kalenna appabattui pasang, kalenna anrong manggena langkana ri ia angkana musti nihukkung matei lanri appauna kana balle-balle. Punna tuli nakana ija kalenna na'bi, lanicokai sa'genna mate ri manggena siagang amma' kalenna.

ZAKHARIA 10:2

Appalaki pangngunju' sikamma taua mae ri barhala-barhalaya siagang ri sikamma pacinika, mingka sikamma anjo pangngunju' nagappaya ke'nanga sangnging balle-balle siagang bicara kosonji bawang. Nia' ambattuangngi so'naya, mingka anjo battuang napakasingaraka ke'nanga poro lanapakalingu ngaseng jako; siagang anjo panynyaleori napassareanga tena battuanna. Lanri kammana anjo natassimbung-simbung ra'yaka sanrapang gimbalaka. Tenamo nasilolongang ke'nanga lanri tena pamimpinna.

YEHEZKIEL 13:23

Kamma-kamma anne kala'busammi sikamma paccini' balle-ballenu siagang boto takontu tojennu. Kupasalamaki ummakKu battu ri pangaru ja'dala'nu. Na nuassemmo angkanaya iNakke Batara.”

YEREMIA 37:19

Kemae anjo sikamma na'bita le'baka angkana tena nalabattu karaeng Babel ambundukiki' karaeng siagang anne pa'rasanganga?

YEREMIA 29:21

Batara Kaminang Koasaya, Allata'alana Israel, le'ba'mi a'bicara ri sesena Ahab, ana' bura'nena Kolaya, siagang ri sesena Zedekia ana' bura'nena Maaseya ia ampakei arenNa Batara untu' ampabattui mae ri kau apa-apa tenaya natojeng. Napaui Batara angkanaya laNapassareangi ke'nanga mae ri kakoasanna Nebukadnezar karaeng Babel, lambunoai ke'nanga ri dallekanna matannu.

YEREMIA 28:15

Yangasenna anjo kupabattui mae ri Hananya, nampa kukana pole, “Pilangngeri he Hananya! Tena naNasuroko Batara; nupa'jari tappa'mi anne bansaya ri bicara balle-ballea.

YEREMIA 28:13

a'lampa mange ri Hananya untu' akkana kamma anne, “Nakana Batara, akkulle memangko antepoki lembarang kayua, mingka laNasambei lembarang bassi.

YESAYA 9:15

Sikamma pamimpinna anjo bansaya napasala oloammi siagang napa'jari lingumi ra'yaka.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’

YESAYA 56:10

Nakana Batara, “Sangnging tau buta sikamma pamimpinna bansaKu! Tena apa-apa naasseng ke'nanga. Rapangi ke'nanga kongkong pepe tenaya nappilollong, mingka attinroji siagang asso'naji bawang. Sannang sikali tinrona ke'nanga!

YEREMIA 8:11

Bokka'-bokka'na ummakKu nakanai bokka' ca'di bawang. Nakana ke'nanga, ‘Ah, tenangngapa-apa. Baji' ngasenji siagang amanji.’ Nampa sikontutojenna tena nakamma.

YEREMIA 20:6

Siagang ikau, Pasyhur, siagang sikontu kaluarganu lanijakkala' tongko nampa niengkakko mange ri Babel. Anjorengko lamate siagang nitarawang; kammayatompa sikontu agannu le'baka allangngereki sikamma balle-ballenu.’ ”

YEREMIA 28:11

Ri dallekanna sikontu ra'ya' niaka hadere' anjoreng, nakanamo, “Nakana Batara, kammaminne carana laNatepo' lembarang napatabaya Nebukadnezar mae ri salangganna sikontu bansaya; laNagaukangi Batara anjo kammaya lalang ruan taung anne labattua.” Le'baki anjo a'lampami Hananya.

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

YEREMIA 8:10

Lanri kammana anjo, laKupassareangi kokonna ke'nanga mae ri tau maraenga, kammayatompa bainenna ke'nanga lanipassareang tongi mae ri tau maraenga. Yangasenna ke'nanga, ca'di lompo, massing kaparalluang kalenna naboya, iamintu cara-cara tenaya nalambusu' napake. Ba'lalo manna na'bia siagang imanga annipu tongi tau.

YEHEZKIEL 13:2

“He tau, callai na'bi-na'bina Israel appabattua boto napare'-pare' kalenna. Suroi ke'nanga ampilangngeri kanangKu.”