YEREMIA 13:13 - KITTA' MATANGKASA'

¹³ Jari pauangi ke'nanga angkanaya sikamma taua anrinni ri pa'rasanganga, sikamma karaeng jari-jarina Daud, sikamma imanga, na'bia, siagang sikontu pandudu'na Yerusalem laKubonei anggoro' sa'genna nabengo.

YEREMIA 13:13 Referans Kwoze

YESAYA 63:6

Lalang kalarroangKu a'rinra-rinraya, Kuonjo'-onjokangi bansa-bansaya; Kuancuruki ke'nanga, naKutumpa cera'na ke'nanga naung ri buttaya.”

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

PAMMUJI 75:8

Mingka KalenNa Allata'ala angngadeli, Ia ampanaungi tau se'rea na napakatinggi maraenga.

PAMMUJI 60:3

Kitollaki ikambe, o, Allata'ala, siagang Kibalang parekangi ikambe nibeta. LarroKi' mae ri kambe; kamma-kamma anne Kibajiki lalomi ammotere' ikambe.

HABAKUK 2:16

Kamma-kamma anne narapi'mi wattunnu untu' nipakasiri', siagang tena nanipakalompoko. Kalompoannu lanipinrai a'jari katunang. LaNapassako Batara angnginung battu ri cangkiri' niboneia ri hukkungang untu' kalennu. Lanuinungi nampa ta'royong-royongko.

YEREMIA 51:7

Riolo Babel rapangi cangkiri' bulaeng Kuta'gala' ampa'jari sikontu linoa nasa'ring. Bansa-bansaya angnginungi anggoro' battu ri cangkirika, sa'genna a'jari pongoro' ke'nanga.

YEREMIA 25:27

Nampa Nakana Batara ri nakke, “Pabattui mae ri sikamma anjo taua angkanaya iNakke, Batara Kaminang Koasaya, Allata'alana Israel, ansuroi ke'nanga angnginung sa'genna nasa'ring siagang ta'langnge-langnge. Kupakatu'guruki ke'nanga siagang takkulleai ambangung poleang lanri pa'bundukang Kupabattua mae ri ke'nanga.

YESAYA 49:26

LaKupa'jari sikamma musunnu palla' ero' ammuno, sa'genna para ia sibuno-buno. Nalanaasseng sikontu umma' rupataua, angkanaya iNakke, Batara, Mappasalama'nu; Kaminang Kassaka, Allata'alana Yakub, Mappasulu'nu.”

YEREMIA 51:57

LaKupa'jari nasa'ringi sikamma pagawena Babel – sikamma tau cara'de'na, sikamma pamimpinna siagang tantarana. Tenamo nalambangung-bangung ke'nanga ammotere', attinromi sa'genna satunggu-tungguna. INakkemi le'ba' a'bicara; iNakkemi Karaeng, iNakke Batara Kaminang Koasaya.

YESAYA 51:21

Pilangngeri he sikamma tau nijallakkanga, ta'royong-royonga kamma tau nasa'ring!

YESAYA 29:9

Tulusu' kalanna'-lannassang mako siagang tulusu' tongko'mi matannu rapang tau butaya! A'jari tau nasa'ringko, mingka teai lanri angnginunnu anggoro'. Ta'royong-royongi jappanu, mingka teai lanri angnginunnu inungang terasa'.

YEREMIA 13:12

Nakana Karaeng Allata'ala ri nakke, “Yeremia, pabattui anne pasangKu mae ri tu Israel angkanaya tunggala' bongki pammoneang anggoroka musti nibonei anggoro' sa'genna rassi. Lappiali ke'nanga angkana, ‘Apa saba' natanaassenga ikambe angkanaya tunggala' bongkia musti nipirassi siagang anggoro'?’

YEREMIA 25:29

LaKupakaramulai anjo pangngancuranga ri kota KalengKu. Gassingka nakapangi ke'nanga angkanaya tena nalanihukkung ke'nanga. Ma'nassa lanihukkungi ke'nanga lanri laKupabattui pa'bundukanga mae ri sikontu bansaya ri sikontu linoa. INakke, Batara Kaminang Koasaya, anne akkana.