YEREMIA 12:8 - KITTA' MATANGKASA'

⁸ Umma' nipileKu nabaliangA'; rapang singa ri romang lompoa, kammaminjo ammarrunna sa'ranna ke'nanga mae ri Nakke. Iaminjo saba'na naKubirisi' mae ri ke'nanga.

YEREMIA 12:8 Referans Kwoze

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

HOSEA 9:15

Nakana Batara, “Sikontu kaja'dallanna ke'nanga appakkaramulai ri Gilgal. AnjoremMa' appakkaramula birisi' mae ri ke'nanga. Lanri panggaukanna ke'nanga ja'dalaka, laKubongkai ke'nanga battu ri anne pa'rasangangKu. Tenamo nalaKukamaseangi ke'nanga; sikontu pamimpinna ke'nanga angngewa ngasemmi ri Nakke.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

YEREMIA 51:38

Ammammuki tu Babel rapang singa, siagang assa'ra kammai ana' singa.

YEREMIA 2:15

Ammarrummi sa'ranna musunna rapang sa'ra singa, nipa'jari roso'mi buttana natena apa-apa wassele'na, kota-kotana la'busuki nakanre pepe', nibalang parekang ta'ronang tena bonena.

YESAYA 59:13

Le'baki assassala' siagang angngewa ikambe mae ri Batara, siagang taeroka mannuruki ri Allata'ala ikambe. Le'baki ikambe anjallakkangi paranna tau siagang sala oloang; lingui pikkiranna ikambe, siagang a'balle-ballei bicaranna ikambe.

YEHEZKIEL 23:18

Le'baki anjo a'nassa-nassami a'jari pasundala' siagang napappicini'-cinikammi tubuna mae ri tau jaia. ErokKa' takkoa' Kusa'ring anciniki, sangkamma todong erokKu takkoa' anciniki daenna.

MIKHA 2:8

Appialimi Batara angkana, “Ikaumi ambunduki ummakKu rapang musu. Ammotereki taua battu ri pa'bundukanga na narannuang angkanaya laamangi ri balla'na, mingka ba'lalo attayang mako anjoreng untu' anrampasaki balla'na.