YEREMIA 12:7 - KITTA' MATANGKASA'

⁷ Nakana Batara, “Tampa' pammantangangKu tenamo naKujampangi; pa'rasangang Kupatanga Kubokoimi, siagang ummakKu Kukamaseanga Kupassareammi ri limanna musu-musunna.

YEREMIA 12:7 Referans Kwoze

YESAYA 2:6

O, Allata'ala, Kibokoimi ummatTa, turunganna Yakub! Saba' kemae-kemae taua ri anne pa'rasanganga ammakei pangngassengang baca-baca battu raya siagang battua ri Filistin. Napalembai ada'-ada'na bansa maraenga.

YEREMIA 11:15

Nakana Batara, “UmmakKu Kukamaseanga nagaukammi apa-apa ja'dalaka. Tenamo nasiratang ke'nanga antama' ri BallakKu. Nakapangi ke'nanga angkanaya lanri appare' janji-janji, siagang lanri assare olo'-olo', akkullei napalili ke'nanga balaya. Maka lanri kammana anjo nakkulle ke'nanga ammeta?

HOSEA 9:15

Nakana Batara, “Sikontu kaja'dallanna ke'nanga appakkaramulai ri Gilgal. AnjoremMa' appakkaramula birisi' mae ri ke'nanga. Lanri panggaukanna ke'nanga ja'dalaka, laKubongkai ke'nanga battu ri anne pa'rasangangKu. Tenamo nalaKukamaseangi ke'nanga; sikontu pamimpinna ke'nanga angngewa ngasemmi ri Nakke.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

YO"EL 3:2

Sikontu bansaya laKupasse'rei nampa Kuerang mange ri Ka'bung Pangadelanga. Nampa Kuadeli ke'nanga anjoreng lanri kaja'dallanna ke'nanga mae ri ummakKu, iamintu lanri nabage-bagena butta Israel nampa napela' ummakKu mange ri a'rupa-rupa pa'rasangang.

YO"EL 2:15

Tuiki tarompeka ri Sion, bulu'Na Allata'ala, pa'la'bangi pappiassengang allo puasaya, apparekko passibuntulang lompo.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

YEREMIA 51:5

INakke, Batara, iamintu Allata'ala Kaminang Koasaya, Allata'ala Matangkasa'na Israel, tena nalaKubokoi Israel siagang Yehuda, manna pole nadorakamo ke'nanga ri Nakke.

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

YEREMIA 7:14

Jari, anne BallakKu nupattoanga, siagang anne tampa' Kupassareanga mae ri boe-boenu siagang mae ri kau, laKupakamma tongi kota Silo riolo.

YEREMIA 14:19

Batara, maka Kisorongboko taba sikalimi Yehuda na Kikabirisi pandudu'na Sion? Angngapa nasarring kamma pannunrunTa ri kambe sa'genna takkulleamo ammolle ammotere' ikambe? Tena matu-matunna ikambe a'boya kaamangngang, tena bua'-bua'na a'boya pammolleang, nasaba' katerassang bawang nia'.

YEREMIA 17:4

Latarpassai nupassareang tampa' le'baka Kupassareang mae ri kau, siagang laKupa'jariko ata mae ri musunnu ri pa'rasangang tena sikalia nuassengi. LaKugaukang ngasengi anjo sikammaya lanri allumpana larroKu rapang pepe' a'rinra tenaya nakkulle nibuno pepe'na.”

YEREMIA 23:33

Nakana Batara, “Yeremia, punna kalase'renna tau battu ri ummakKu, yareka kalase'renna na'bi yareka imang akkuta'nang ri kau angkana, ‘Apa pasanNa Batara?’ Musti appialiko angkana, ‘Ikaumi pisangnganNa Batara; lanri kammanami anjo nalaNapelakko.’

YEREMIA 23:39

laKurappungi ke'nanga nampa kupasambila bella-bella, baji' nakalenna ke'nanga kammayatompa kota le'baka Kupassareang mae ri ke'nanga siagang mae ri boe-boena ke'nanga.

HOSEA 11:1

Nakana Batara, “Kukamaseangi Israel battu ri ca'dina, Kukioki anakKu assulu' battu ri Mesir.

PAOLE 33:12

Ri sesena suku Benyamin nakana: “Iaminne suku Nakarimangngia Batara. Nala'langngi allo bangngi; ammantangi Batara ri tangnga-tangngana ke'nanga.”

2 KARAENG-KARAENG 21:14

Pandudu'na nia' tassesa laKubalang parekangi nibeta ri musunna ia langngalleai siagang langngellakai pa'rasanganna ke'nanga.

PAMMUJI 78:62

Larroi ri umma'Na, umma' pisakaNa, Nabalang parekangi ke'nanga nibuno siagang pa'dang.

PAMMUJI 106:40

Nampa a'rinramo larroNa Batara mae ri ke'nanga, ero'mi ta'langnge Nasa'ring lanri umma'Na tonji.

YEREMIA 22:5

Mingka punna tena nuturuki parenta-parentaKu, assumpA' angkanaya anne balla' karaenga la'jari loro-loro mami le'ba' nakanre pepe'. INakke, Batara, anne akkana.