YEREMIA 12:5 - KITTA' MATANGKASA'

⁵ Nakana Batara, “Yeremia, punna mangngangko appa'lumba siagang rupataua, antekamma olonu lakkulle appa'lumba siagang jaranga? Punna mallakko ri butta amanga, apa lanugaukang punna niakko lalang ri romang akkatintinga ri birinna Binanga Yordan.

YEREMIA 12:5 Referans Kwoze

1 PETRUS 4:12

Sikamma sari'battangku, sannaka kukarimangnginna! Kamma-kamma anne sanna' sessanu lanri niujiko. Mingka teako lannasakki, sangkamma angkana nia' apa sanna' heba'na kajariang mae ri kalennu.

PANGNGEBARANG 24:10

Punna tappu' pa'minasako lalang ri kasukkarang, ikau tau lammako.

YEREMIA 50:44

Rapang singa ammumbaya battu ri romang lompoa ri ampi'na Binanga Yordan nabattu mange ri parang pa'rukukanna gimbalaka, kamma tomminjo iNakke, Batara, labattu siagang ampalari Babel battu ri kotana ke'nanga silalonna. Nampa laKupilei sitau pamimping untu' amparentai anjo bansaya. Inai akkulle nipasangkammangA'? Inai barani appare' parkara siagang iNakke? Apaka nia' pamimping akkulle angngewA'?

YEREMIA 49:19

Rapang singa ammumbaya battu lalang ri romang lompoa ri ampi'na Binanga Yordan nampa battu mange ri parang tampa'na gimbalaka a'ruku', kammatommi anjo bateKu labattu siagang lampalari tu Edom silalonna battu ri pa'rasanganna ke'nanga. Nampa langngangkaKa' sitau pamimping untu' amparentai anjo bansaya. Inai akkulle nipasangkamma siagang iNakke? Inai barani appare' parkara siagang iNakke? Apaka nia' pamimping akkulle angngewA'?

PAMMUJI 42:7

Ancuruki pa'maikku anrinni ri pa'rasangang pammelakkanga anne, lanri kammanami kungngu'rangi ri Batara. Ammanyuki nyawaku nalo'lorang kasi'nang, natujua' a'bana karicuang; sanrapang arrunna je'ne' tu'guru'na Binanga Yordan battu ri Moncong Hermon siagang Moncong Mizar.

PANGNGEBARANG 3:11

Punna Naajarakko Batara na', tarimai anjo kammaya a'jari pappakainga'; teako lussakki pa'mai'nu mae ri pangngajara'Na.

YEREMIA 36:26

Ba'lalo karaenga naparentakangi ri ana' bura'nena iamintu Yerahmeel siagang Seraya ana'na Azriel siagang Selemya ana'na Abdeel, sollanna najakkalakka' siagang Barukh juru tulisikku. Mingka nicokkoi ikambe ri Batara.

YEREMIA 26:8

Tena sallo le'ba'na kupa'la'bang sikontu anjo pasanNa Batara sangkamma Naparentakanga, najakkala'ma' ke'nanga nampa ammarrang angkana, “Musti mateko!

1 PATTOTTORANG 12:15

Le'baki kajariang ri bulang se're, ri wattunna a'ba battu ri Binanga Yordan, na'limbang anjo komandang-komandanga mange ambongkai tuniaka anjoreng ri sikamma lappara', baji' naniaka ri bageang rayangang kammayatompa niaka ri bageang laukanna anjo binangaya.

YEREMIA 11:21

Nakellai sikalia' taua ri kota Anatot sollangku mate. Nakana ke'nanga, “Punna tulusu' nupabattuna pasang-pasanNa Batara mae ri kambe, lanibunoko ri kambe.”