YEREMIA 11:14 - KITTA' MATANGKASA'

¹⁴ Lanri kammana anjo Yeremia, teako appala' doangngi untu' ke'nanga yareka teako appala' tulungi mae ri Nakke untu' ke'nanga. Punna lalang kasukkarang ke'nanga nappala' tulung mae ri Nakke, tena Kuero' ampilangngeri ke'nanga.”

YEREMIA 11:14 Referans Kwoze

YEREMIA 7:16

Nakana Batara, “Yeremia, teako pappala' doangngangi anne sikamma taua. Teako appala' tulungi yareka appala' doangngi untu' ke'nanga; teako passaiA', nasaba' taeroKa' ampilangngeri anjo pappalaka.

YEREMIA 11:11

Lanri kammana anjo, iNakke, Batara, Kupappakaingakkangi angkanaya lappaturungA' bala mae ri ke'nanga, siagang takkulleai ke'nanga alliliangi. Punna akkio' ke'nanga appala' tulung ri Nakke, teA' ampilangngeri.

1 YOHANES 5:16

Punna nia' nucini' parannu tu Karisteng a'gau' dosa natenaja nangngerang kamateang, paralluko appala' doang ri Allata'ala; nalanisaremo katallassang anjo taua. Anne natabaya iamintu tau a'gau' dosaya, mingka tenaja nangngerang kamateang. Mingka nia' gau' dosa angngerang kamateang; tena nakukana musti appala' doangko mae ri Allata'ala lanri anjo passalaka.

YEREMIA 14:11

Nakana Batara ri nakke, “Teako palakki ri Nakke untu' antulungi anjo tau sikammaya.

KALAPPASSANG 32:10

Teako coba-cobai anghalangiA'. LarroA' ri ke'nanga siagang erokKa' angngancuruki ke'nanga. Mingka ikau siagang jari-jarinu laKupa'jari se're bansa malompo.”

PAMMUJI 66:18

Ebara' angkana sannanga' annawa-nawai kaja'dallanga, mattantu taerokai Batara ampilangngeria'.

HOSEA 5:6

A'lampai ke'nanga a'boya Batara angngerang gimbala' siagang sapi untu' koro'bang, mingka yangasenna anjo tena matu-matunna. Nasaba' Nibokoimi ke'nanga ri Batara, na tenamo nakkulle ke'nanga ambuntuluki.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

ZAKHARIA 7:13

Tena naKupiali pappala' doanna ke'nanga, lanri tenana todong namappilangngeri ke'nanga ri wattungKu a'bicara.

MALEAKHI 2:13

Siagang anne pole paggaukannu maraenga. Tampa' pakkoro'bangnganNa Batara nupirassi je'ne' mata; angngarrukko siagang appiraungko lanri taerokami Batara antarimai koro'bang-koro'bannu.

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”