YEREMIA 10:11 - KITTA' MATANGKASA'

¹¹ Ikau ngaseng, he ummaka, musti nupauangi ke'nanga angkanaya lanipanraki anjo sikamma rewata-rewata tenaya napa'jari langika siagang buttaya. Lanipa'lanynyaki ke'nanga battu ri tompo'na buttaya.)

YEREMIA 10:11 Referans Kwoze

PAMMUJI 96:5

Sikontu rewatana bansa maraenga poro patung barhalaji bawang, mingka Batara, Iami ampareki sikontu apa niaka.

YESAYA 2:18

Sikamma barhalaya lalanynya' tabasikali.

ZAKHARIA 13:2

Ri anjo alloa laKupattaenami areng-arenna barhala-barhalaya battu ri anne buttaya, sa'genna tenamo manna sitau angngu'rangi. Sikontu tau nakanaya kalenna na'bi siagang tau a'balle-ballea nakana kalenna napantamakki roh, laKubongka kabusuki.

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

PIRAUNG 3:66

Kiondangi siagang Kiancuru' kabusuki ke'nanga sa'genna cappu' ke'nanga nibarrasa' battu ri linoa.”

YEREMIA 51:18

Anjo barhala-barhalaya tena anggaranna, siratangi nicau-cau siagang nihina. Punna narapi' sallang wattunna, lapanra' ngasengi ke'nanga

YEREMIA 10:15

Anjo barhala-barhalaya tena anggaranna, siratangi nicau-cau siagang nihina. Punna narapiki sallang wattunna lapanraki ke'nanga.

PAPPICINI' 20:2

Nampa najakkala' anjo nagaya, anjo ulara' toaya – iamintu Billisika yareka Roh Ja'dalaka – nampa nasikko' untu' sisa'bu taung sallona.

1 SAMUEL 5:4

Mingka ammukona, ri bari'basa'na, naciniki ke'nanga tu'guru'moseng anjo patunga ri dallekanna anjo Patti Parjanjianga. Anjo wattua tassa'la'mi ulunna siagang rua limanna anjo patunga, ta'dongko' ri dallekanna pakke'buka. Kalenna mami anjo patunga kamma biasa. (

YESAYA 57:12

Mingka Kupauangko angkanaya, anjo kabajikannu anu nupare'-pare', na sikontu panggaukannu tena matu-matunna mae ri kalennu.

YEREMIA 43:12

LapparinrA' pepe' ri sikamma balla'-balla' rewatana Mesir, nampa lanatunu karaeng Babel anjo patung-patung barhalaya ri anjo balla' rewataya yareka naengkaki mange ri pa'rasanganna. Rapang sitau pakalawaki antangkasi pakeanna battu ri gantuma, kamma tomminjo karaeng Babel lambarrasaki Mesir, nampa a'lampa ammotere' tena anrompai.

YEREMIA 43:13

Sikamma patung-patunna barhalaya ri Heliopolis ri Mesir, laniancuru' ngasengi, siagang sikamma balla'-balla' rewataya ri Mesir lanitunui sa'genna la'busu'.”

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YEHEZKIEL 30:13

Nakana Batara Kaminang Tinggia, “LaKuancuruki barhala-barhalaya siagang rewata-rewataya ri Memfis. Talaniakkamo pole karaeng ri Mesir. Sikontu pandudu'na laKupa'jari mallaki.